T20 ආකෘතියේ දී බොහෝ වෙලාවට කඩුලු නිර්මාණය කරන්නේ පීඩනය විසින්.
පීඩනය හදන, ලකුණු නවතන පන්දු යවන්නෙක් T20 ක්රීඩාවේදී බොහෝ වටිනවා.
මෙතක් කාලයක් ශ්රී ලංකා කණ්ඩායමේ සාර්ථකත්වයට ප්රධානම හේතුව අද තරගයේ දී හෙළි වුණා.
ඒ මහීෂ් තීක්ෂණ.
දඟ පන්දු යවන්නෙක් වුනත් පවර්ප්ලේ පන්දුවාර වල ඉඳලම ලකුණු හිර කරලා ඔහු හදන පීඩනය කණ්ඩායමට කඩුලු ගේනවා.
වනිදු T20 කඩුලු සියයක් ලබා ගත්තා. ඒ කඩුලු සියය අතරේ බාගෙට බාගයක් තිබුණේ මහීෂ් විසින් නිර්මාණය කළ කඩුලු.
හරියට මාලිංගට සාර්ථක වෙන්න, කුලසේකර ලකුණු හිර කරලා පීඩනය හැදුවා වගේ.
අද මහීෂ් නැති ශ්රී ලංකාවට ඇෆ්ගනිස්තානය ලකුණු 200ක් ගහද්දී, හුදෙක්ම දැනුනේ මහීෂ් තීක්ෂණගේ අඩුව.
ඔහු තමයි ශ්රී ලංකා පන්දු බලඇණියේ මුදුන් මුල.