2018 වසරේ එවකට ජනාධිපති මෛත්රිපාල සිරිසේන විසින් යහපාලන රජයේ අගමැතිවරයා ලෙස කටයුතු කළ රනිල් වික්රමසිංහ එම ධුරයෙන් ඉවත් කිරීමට එරෙහිව ගොනුකෙරුණු මූලික අයිතිවාසිකම් පෙත්සමක් විභාගයට ගැනීමට ශ්රේෂ්ඨාධිකරණය විසින් අවසර ලබා දී තිබේ.
මේ සම්බන්ධයෙන් අධිකරණය හමුවේ කරුණු දක්වන ලෙස එහි වගඋත්තරකරුවන් ලෙස නම් කර සිටි හිටපු ජනාධිපති මෛත්රීපාල සිරිසේන, හිටපු අගමැති මහින්ද රාජපක්ෂ ඇතුළු පිරිසකට අධිකරණය විසින් නොතීසි නිකුත් කර ඇත.
පෙත්සම සම්බන්ධයෙන් මූලික වශයෙන් කරුණු සලකා බැලීමෙන් අනතුරුව එස්. තුරෙයිරාජා, කුමුදුනී වික්රමසිංහ සහ අචල වෙංගප්පූලි යන විනිසුරුවරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ලක් විසින් මෙම නියෝගය නිකුත් කර තිබේ.
ඉන් අනතුරුව පෙත්සම සැප්තැම්බර් 23දා විභාගයට ගැනීමට ද අධිකරණය තීන්දු කළ අතර, පෙත්සම සමාජ ක්රියාකාරිකයකු වන ඕෂල හේරත් විසින් ගොනුකර ඇත.
පෙත්සම්කරු පවසන්නේ 2018 වසරේ ඔක්තෝබර් 26දා එවකට ජනාධිපති මෛත්රිපාල සිරිසේන විසින් විශේෂ ගැසට් නිවේදනයක් නිකුත් කරමින් එවකට්ස් අගමැතිවරයා වශයෙන් කටයුතු කළ රනිල් වික්රමසිංහ එම ධුරයෙන් ඉවත් කළ බවයි.
ඉන් අනතුරුව එම තනතුර සඳහා මහින්ද රාජපක්ෂ පත්කෙරුණු බවත් පෙත්සම මඟින් පෙන්වා දී තිබේ.
පෙත්සම්කරු පවසන්නේ ආණ්ඩුක්රම ව්යවස්ථාවේ 19 වන සංශෝධනය යටතේ පාර්ලිමේන්තුවේ බහුතර බලය අග්රාමාත්ය රනිල් වික්රමසිංහ සතුව තිබියදී ඔහු ඉවත් කොට එම තනතුර සඳහා මහින්ද රාජපක්ෂ පත්කිරීමට හිටපු ජනාධිපති මෛත්රීපාල සිරිසේන ගත් තීරණය සම්පූර්ණයෙන්ම නීතියට පටහැනි බවයි.