ශ්රී ලංකා ක්රිකට් ආයතනය සමගින් වූ ගිවිසුමට අදාළ වගන්ති කිහිපයක් උල්ලංඝණය කිරීමේ සිදුවීමක් මත පදනම්ව ජාතික කණ්ඩායමේ තුන් ඉරියව් ක්රීඩක චාමික කරුණාරත්නට එරෙහිව අත්හිටවූ ක්රිකට් තහනමක් සහ අමෙරිකානු ඩොලර් 5000ක දඩ මුදලක් පැනවීමටත් ක්රිකට් ආයතනය කටයුතු කර තිබේ.
පසුගිය දා ඔස්ට්රේලියාවේදී නිමා වූ විස්සයි-20 ලෝක කුසලාන තරගාවලිය තුළදී චාමික එලෙස ගිවිසුමේ වගන්ති කිහිපයක් උල්ලංඝණය කිරීමේ චෝදනාව චාමික කරුණාරත්න විසින් පිළිගෙන ඇත.
ඒ අනුව, අදාළ චෝදනාව විභාග කිරීම වෙනුවෙන් පත් කර තිබූ විශේෂ ත්රිපුද්ගල කමිටුවක් මඟින් සිදුකර තිබූ විශේෂ විනය පරීක්ෂණයකින් අනතුරුව ඉහත තීරණය ගෙන තිබූ බව සඳහන් වේ.
ඔහුගේ ක්රිකට් දිවියට බලපෑම් එල්ල නොවන දඬුවමක් පනවන ලෙසත් අදාළ විශේෂ ත්රිපුද්ගල පරීක්ෂණ කමිටුව මගින් ශ්රී ලංකා ක්රිකට් ආයතන විධායක කමිටුව වෙත නිර්දේශ කර ඇත.
කෙසේවෙතත් මෙහිදී චාමික විසින් සිදුකරනු ලැබ ඇති බවට චෝදනා එල්ල වූ වරදෙහි බරපතළකම සම්බන්ධයෙන් සැළකිලිමත් වෙමින් ඉදිරියේදී එවන් කටයුතු සිදු කිරීමෙන් වැළකෙන ලෙස චාමික කරුණාරත්න වෙත දැඩි ලෙස අවවාද සිදු කර තිබේ.
ඒ අනුව, අදාළ කරුණු සම්බන්ධයෙන් සලකා බැලූ ශ්රී ලංකා ක්රිකට් ආයතන විධායක කමිටුව චාමිකට වසරක අත්හිටවූ ක්රිකට් තහනමක් පැනවීමටත්, එයට අමතරව අමෙරිකානු ඩොලර් 5000ක දඩ මුදලක් පැනවීමටත් කටයුතු කර ඇති බ වද සඳහන් ය.