පාකිස්ථානය ඉරානයට ගුවන් ප්‍රහාරයක් එල්ල කරයි. හත් දෙනෙකු ජීවිතක්ෂයට පත් වූ බව වාර්තා වී තිබේ. ඒ සමඟ දෙරට අතර ගැටුම්කාරී තත්ත්වය වර්ධනය වනු ඇතැයි ජාත්‍යන්තර විශ්ලේෂකයෝ පවසති. ඉරානය පාකිස්ථානය වෙත එල්ල කළ ප්‍රහාරයකින් ළමයි දෙදෙනෙක් ජීවිතක්ෂයට පත් වූහ. ඊට ප්‍රතිචාර ලෙස ගුවන් ප්‍රහාරය එල්ල කර ඇති බව වාර්තා වෙයි. බාහිර තර්ජන ඉදිරියේ පාකිස්තාන ආරක්ෂාව තහවුරු කිරීම අරමුණ බව විදේශ අමාත්‍යාංශය නිකුත් කරමින් සඳහන් කර තිබේ.
ගිනිකොනදිග ඉරානයේ රාස්ක් නගරයට පසුගියදා එල්ල වූ ත්‍රස්ත ප්‍රහාරයට පාකිස්තානයේ රැකවරණ ලබන ජායිෂ්-අල්-අඩ්ල් සන්නද්ධ කණ්ඩායම සම්බන්ධ බවද ඉරාන විදේශ අමාත්‍යවරයා ප්‍රකාශ කළේය.