චීනයේ අලෙවි කරන ලද මෝටර් රථ මිලියන එකයි දශම හයක් නැවත කැඳවීමට ටෙස්ලා සමාගම පියවර ගනී. මාදිලි කිහිපයක සුක්කානම මෙහෙයවීම සහ දොර අගුලු ලෑමේ පද්ධතිවල දෝෂ වාර්තා වී තිබේ. ඒ හේතුවෙන් මෝටර් රථ නැවත කැඳවීමට තීරණය කර ඇතැයි ටෙස්ලා සමාගම පවසයි. ආර්ථික විශේෂඥයන් කියා සිටින්නේ ටෙස්ලා සමාගමට මෙම තත්ත්වය අයහපත් බලපෑම් ඇති කළ හැකි බවයි. පසුගිය වසරේ අවසන් කාර්තුවේදී ටෙස්ලා ඉලෙක්ට්රික් මෝටර් රථ අභිබවා චීනයේ BYD මෝටර් රථ අලෙවි වී තිබේ. එවැනි තත්ත්වයකදී ටෙස්ලා මෝටර් රථ නැවත කැඳවීම සමාගමට දැඩි ගැටලුවක් විය හැකි යැයි විශේෂඥයෝ පෙන්වා දෙති.