අධික හිම පතනය හේතුවෙන් මහා මාර්ගයක සිරව සිටි රියදුරන් විශාල සංඛ්යාවක් ගලවා ගැනීමට ස්වීඩන් සහන සේවකයෝ සමත් වෙති.
දකුණු දිග ස්වීඩනයේ E විසිදෙක මාර්ගයට දැඩි හිම පතනයක් සිදු විය. ඉන් රථ වාහන දහසක් පමණ මාර්ගයේ සිරවූ බව ස්වීඩන් වාර්තා පෙන්වා දෙයි. සහන සේවකයන් ප්රදේශයට පැමිණ රියදුරන් මුදා ගත් අතර පසුව පැමිණ වාහන රැගෙන යන ලෙස ඔවුන්ට උපදෙස් ලබා දී තිබිණ. ස්වීඩනය, ෆින්ලන්තය සහ නෝර්වේ වෙත මේ වන විට දැඩි හිම පතනයක් සිදුවන බව වාර්තා වෙයි. ඩෙන්මාර්ක් හි හිම කුණාටුද පවතින බව ජාත්යන්තර ප්රවෘත්ති සේවා කියයි. උතුරු දිග ස්වීඩනයේ නගරයකින් වසර 25 කට පසු අඩුම උෂ්ණත්වය වාර්තා විය. එය සෙල්සියස් අංශක ඍණ 43.6 ක් බව ස්වීඩන් කාලගුණ අංශ පවසයි.