මෙරටින් ළමා ලාදුරු රෝගින් වාර්තා වීම ඉහළ ගොස් ඇති බව ලාදුරු මර්දන ව්‍යාපාරය පවසයි.
ඒ අනුව “2021 සහ 2022 වසරේ මේ දක්වා ළමා ලාදුරු රෝගීන් 250 දෙනෙක් පමණ දිවයිනේ විවිධ ප්‍රදේශවලින් හඳුනාගෙන තිබේ.
ඒ අතරින් වැඩි දෙනෙකු මඩකලපුව දිස්ත්‍රික්කයෙන් වාර්තා වන බව ද එය ප්‍රතිශතයක් ලෙස ගත් කළ 25%ක් පමණ වන බවද එහි අධ්‍යක්ෂ විශේෂඥ වෛද්‍ය ප්‍රසාද් රණවීර සඳහන් කළේය.
ලාදුරු රෝගයේ මුලික ලක්ෂණයක් වන සමේ පැහැයට වඩා අඩු පැහැයෙන් යුතු ලපයක් හෝ ඒ ලපවල දැනීමේ අඩුවක් වුවහොත් සමේ රෝග සායනයට ගොස් පරීක්ෂා කරවා ගන්නා ලෙසද ඔහු පවසා ඇත.
වැඩිදුරටත් අදහස් දක්වමින් වෛද්‍යවරයා පවසා ඇත්තේ කොවිඩ් වසංගත තත්ත්වයත් සමග පසුගිය කාලය තුළ ලාදුරු රෝගීන් හඳුනාගැනීම අවම මට්ටමක පැවති බවයි.