ජපාන ගුවන් අනතුරට හේතුව සෙවීමේ පරීක්ෂණ ක්‍රියාත්මකයි. ජපාන සිවිල් ගුවන් සේවා කාර්යාංශය කියා සිටින්නේ ගුවන් යානා වලට විධාන නිකුත් කළ ආකාරය සොයා බැලීමට මූලික අවධානය යොමු කර ඇති බවයි. ධාවන පථයේ දී වෙරළාරක්ෂක ගුවන් යානයක් සහ මගී යානයක් ගැටීමෙන් සිදු වූ අනතුරින් පස්දෙනෙක් ජීවිතක්ෂයට පත්වූහ.
මියගිය පස් දෙනා වෙරළාරක්ෂක ගුවන් යානයෙහි ගමන් කරමින් සිටි බව ජපාන වාර්තා පෙන්වා දෙයි. එහි කපිතාන්වරයා බරපතල තත්වයෙන් රෝහල්ගතව ප්‍රතිකාර ලබයි. මගී ගුවන් යානයෙහි සිටි තුන්සිය හැත්තෑ නව දෙනා ජීවිත හානියකින් තොරව ගලවා ගැනීමට හැකිව තිබේ. 14 දෙනෙකුට තුවාල සිදුව ඇති බව ජපාන වාර්තා සඳහන් කරයි. අනතුරෙන් මගී ගුවන් යානය ගිනි ගෙන විනාශ විය.