පලස්තීනයේ හමාස් සංවිධානයට එරෙහි යුද්ධය මේ වසරේදී ද පවතිනු ඇතැයි ඊශ්‍රායලය පවසනවා. හමාස් සංවිධානය ද ඊශ්‍රායලයට ප්‍රතිප්‍රහාර යෙන් විවිධ අවස්ථාවලදී එල්ල කරනවා. එවැනි තත්ත්වයක් යටතේ ගාසාහි යුධ ගැටුම් මේ වසරේ ඉදිරි මාස ගණනාවක් පැවතිය හැකි බවයි ඊශ්‍රායලය පෙන්වා දෙන්නේ. හමාස් වාර්තා අනුව මේ වන විට ගාසා හි මියගොස් ඇති සංඛ්‍යාව විසිඑක් දහසකට අධිකයි. ඉන් වැඩි පිරිසක් කාන්තාවන් සහ ළමුන් බවයි වාර්තා වෙන්නේ. ගැටුම් ආරම්භ වී දැනට ගෙවී ගොස් ඇත්තේ සති 11ක් පමණයි. එම කාලය ඇතුළත පලස්තීන වැසියන්ගෙන් මිලියන දෙකක් පමණ අවතැන්ව සිටින බවයි සඳහන් වෙන්නේ. එය පලස්තීනයට ගැටළු රැසක් ඇති කර තිබෙනවා. හමාස් සංවිධානය කියා සිටින්නේ ඊශ්‍රායලයට ප්‍රතිප්‍රහාර එල්ල කිරීම නැවතීමට සූදානම් නැති බවයි.