එක්සත් ජනතා නිදහස් සන්ධාන රජය යටතේ ජනමාධ්ය අමාත්යවරයාව කටයුතු කළ අමාත්ය කෙහෙළිය රඹුක්වැල්ලට ශ්රී ලංකා රූපවාහිනී සංස්ථාව සතු මුදල් අවභාවිත කිරීමේ චෝදනාව මත අධිචෝදනා ගොනු කර තිබේ.
එමෙන්ම එම සංස්ථාවේ හිටපු සභාපති විමල් රූබසිංහට සහ හිටපු අධ්යක්ෂ ජෙනරාල් චන්ද්රපාල ලියනගේ යන අයට අද (22) කොළඹ මහාධිකරණය හමුවේ අධිචෝදනා පත්ර භාර දුන්නේය.
දේශපාලන කටයුතු සඳහා ශ්රී ලංකා රූපවාහිනී සංස්ථාවට අයත් මුදල් හරහා ජී.අයි පයිප්ප මිලදී ගෙන රජයට පාඩු සිදු කළ බවට ඔවුන්ට චෝදනා එල්ල වී ඇත.
අමාත්ය කෙහෙළිය රඹුක්වැල්ල ඇතුළු විත්තිකරුවන් තුන්දෙනාට නඩුව අවසන් වනතුරු විදේශගත වීම වළක්වමින් කොළඹ මහාධිකරණ විනිසුරු නවරත්න මාරසිංහ විසින් විදෙස් ගමන් තහනමක් ද ආගමන හා විගමන පාලකවරයා වෙත නිකුත් කළේය.
ඔවුන්ගේ විදේශ ගමන් බලපත්ර අධිකරණයට භාර දෙන ලෙස ද නියෝග කළ අතර විත්තිකරුවන් එක් අයෙකුට රුපියල් 20,000 බැගින් වූ මුදල් ඇප සහ රුපියල් ලක්ෂ 5 බැගින් වූ ශරීර ඇප දෙකක් මත මුදා හැරීමට විනිසුරුවරයා නියෝග කළේය.
මේ අතර විනිසුරුවරයා ප්රකාශ කර සිටියේ අමාත්ය කෙහෙළිය රඹුක්වැල්ල නිල අවශ්යතා මත විදේශගත වීමට අපේක්ෂා කරන්නේ නම්, විදේශ ගමන් තහනම තාවකාලිකව ඉවත් කරන ලෙස කළ ඉල්ලීමක් කළහොත් ඒ සම්බන්ධයෙන් සලකා බලන බවයි.
නඩුව යළි පෙබරවාරි 01 වැනිදා කැඳවීමට නියමිතය.