සිහි නැති කිරීමේ ඖෂධ අධමාත්රාවක් ලබාදීම හේතුවෙන් දෙහිවල ජාතික සත්වෝද්යානයේ ජිරාෆ් සතුන් දෙදෙනාගෙන් එක් සතෙකු මියගොස් තිබේ.
ප්රතිජීවක එන්නතක අසාත්මිකතාවක් හේතුවෙන් මෙම සත්ත්වයා මියගියේ යැයි පශු වෛද්යවරුන් තමන්ට දැනුම් දුන් බව ජාතික සත්ත්වෝද්යානයේ නව අධ්යක්ෂ රංජන් මාරසිංහ පවසයි. සිද්ධිය පිළිබඳව ස්වාධීන පරීක්ෂණයක් පවත්වන බව ද ඔහු වැඩිදුරටත් සඳහන් කරයි.
පාදයක ආබාධයකට බෙහෙත් කිරීම සඳහා ඊයේ (07) මෙම සත්ත්වයා සිහිනැති කිරීමෙන් පසුව නැවත ප්රකෘති තත්ත්වයට නොපැමිණි බව සිද්ධිය ඇසින් දුටුවෝ පවසති.
ජාතික සත්ත්වෝද්යානයේ සතුන් සම්බන්ධයෙන් කටයුතු කිරීමේදී මීට වඩා සැලකිලිමත් විය යුතු යැයි පරිසරවේදීන් දිගින්-දිගටම පෙන්වා දී තිබුණද, තවදුරටත් එක ම දේ සිදුවීම අතිශය කනගාටුවට කරුණක් බව පරිසර ක්ෂේත්රයේ විද්වත්හු අවධාරණය කරති.