එහෙනම් කොල්ලෝ කැත්තෙන් හරි, පොල්ලෙන් හරි ඉන්දියාව FINAL
කණ්ඩායම් 09කටම ඒක වළක්වන්න බැරිවුණා.
ඉන්දියාව එක්දින ලෝක කුසලානයක අවසන් තරගයකට යන්නේ 2011න් පස්සේ.
හැබැයි විශේෂත්වය තමයි 2011 ශ්‍රී ලංකාව පරද්දලා ලෝක කුසලානය දින්න වන්කඩේ ග්‍රවුන්ඩ් එකේදීම තමයි අද Semi Final මැච් එක තිබ්බෙත්.
මෙය ඉන්දියාව එක්දින ලෝක කුසලානයක අවසන් මහා තරගයකට සුදුසුකම් ලැබූ 4වෙනි අවස්ථාවයි
1983 Champions
2003 Runner up
2011 Champions
2023 ?
2019 ලෝක කුසලානයේදී ඉන්දියාව අවසන් පූර්ව තරගයේදී නවසීලන්තයට පැරදුණත් අද නවසීලන්තයට එය සිදු කළ නොහැකි වුණා.
ඒ අනුව, 2019 අනු ශූරයින් වූ නවසීලන්තයේ මෙවර ලෝක කුසලානයේ ගමන අදින් අවසන් වුණා.
කෝලි 50වැනි ශතකයත් අද ලබා ගත්තා.
ඒ, ලොව වැඩිම එක්දින ශතක ලාභියාත් වෙමින්
ටීම් එකක් විදියට ඉන්දියාව ලොකු ලකුණු ගාණක් බෝර්ඩ් එකට දාලා තිබ්බ ප්‍රෙෂර් අවස්ථාවකත් කෝලි ළඟට ඇවිත් කේන් විලියම්සන් සුබ පතපු එක හැමෝම කතා කරනවා
ඒ වගේම ටෙනිස් ක්‍රීඩක විම්බල්ඩන් ශූර සර්බියාවේ novak djokovic කෝලිට සුබ පැතුම් පිරිනමා තිබෙනවා.
අද වන්කඩේ ක්‍රීඩාංගණයට පැමිණ සිටි සුපිරි පාපන්දු ක්‍රීඩක ඩේවිඩ් බෙකම්ද කෝලිට සුබ පැතුම් එක් කළා.
අරවින්ද ද සිල්වා, විරේන්ද්‍ර ශෙවාග් සහ ඩයනා එඩුල්ජි ICC Hall of Fame සම්මානයෙන්ද පිදුම් ලැබුවේ මෙම තරගය අතරතුරදීය.
විශිෂ්ට පන්දු යැවීමක නිරත වූ මොහොමඩ් ශාමි ලකුණු 57කට කඩුලු 7ක් දවා ගත්තා.
ලෝක කුසලාන තරගයක කඩුලු 7ක් දවාගත් පස්වැනි පන්දු යවන්නා බවට ශාමි අද පත්වුණා.
මීට පෙර එම දස්කම දැක්වූ පන්දු යවන්නන්
ග්ලේන් මැග්‍රාත් 15/7 (AUS)
ඇන්ඩි බිකෙල් 20/7 (AUS)
ටිම් සවුති 33/7 (NZ)
වින්ස්ටන් ඩේවිස් 51/7 (WI)
Mohammed Shami තමයි මෙවර ලෝක කුසලානයේ මේ වනවිට වැඩිම කඩුලු ලාභියා. (කඩුලු 23)
Mohammed Shami ලෝක කුසලාන කඩුලු 50 දවාගත් වේගවත්ම පන්දු යවන්නා බවටත් පත්වුණා. (තරග 17)
මිචෙල් ස්ටාක් (තරග 19)
ලසිත් මාලිංග (තරග 25)
නවසීලන්තය වෙනුවෙන් සටන්කාමී ඉනිමක් ක්‍රීඩා කළ Daryl Mitchell පන්දු 119කදී ලකුණු 134ක් ලබා ගත්තා.
ඉන්දියාව සමග අවසන් සටනට තරග වදින්නේ ඔස්ට්‍රේලියාවද? දකුණු අප්‍රිකාවද?
තීරණයි තවත් පැය කිහිපයකින්..
චතුරංග රාජපක්ෂ (fb)
