එල්ටීටීඊ සංවිධානයේ නායකයාගේ උපන් දිනය පිළිබඳ පුවතක් සහ ඔහුගේ ඡායාරූපයක් වසර 03කට ඉහතදී පළකිරීම සම්බන්ධයෙන් උතුරේ පළවන ප්රමුඛ පෙළේ දෙමළ පුවත්පතක් වන උදයන්හි මාධ්යවේදී දිලීප් අමුදන්ගෙන් ත්රස්ත මර්දන හා විමර්ශන කොට්ඨාශය පැය 04කට අධික කාලයක් ප්රශ්න කර තිබේ.
කොළඹ පිහිටි ත්රස්ත මර්දන හා විමර්ශන කොට්ඨාසයේ (CTID) ප්රධාන කාර්යාලයට නොවැම්බර් 01දා ඔහු කැඳවා ඒ සම්බන්ධයෙන් ප්රශ්න කර තිබිණි. මාධ්යවේදී කේ. දිලීප් අමුදන් උදයන් පුවත්පතේ ප්රවෘත්ති සංස්කාරකවරයා ලෙස කටයුතු කරයි.
නොවැම්බර් 26දාට යෙදී තිබෙන එල්ටීටීඊ නායක වේළුපිල්ලේ ප්රභාකරන්ගේ උපන්දිනය සම්බන්ධයෙන් 2020 වසරේ නොවැම්බර් 26 ඡායාරූපයක් සහිතව පළ කළ පුවත සම්බන්ධයෙන් මෙන්ම නොවැම්බර් 27දාට යෙදී තිබෙන දෙමළ මහවිරු දිනයට ආරාධනා කරමින් පළ කර ඇති ලිපියක් සම්බන්ධයෙන් ද CTID ය මාධ්යවේදියාගෙන් ප්රශ්න කර තිබේ.
නොවැම්බර් 01දා පෙරවරු 9 සිට පස්වරු 1.30 දක්වා පැය හතර හමාරක කාලයක් කොළඹ පිහිටි ත්රස්ත මර්දන හා විමර්ශන කොට්ඨාශය මාධ්යවේදියාගෙන් ප්රශ්න කර ඇත.
මාධ්ය වාර්තා අනුව 2020 වසරේ නොවැම්බර් 26දා ‘උදයන්’ පුවත්පත පළ කළ එම ලිපිය සම්බන්ධයෙන් යාපනය පොලීසිය විසින් එම සමයේදීම අධිකරණයේ නඩුවක්ද ගොනු කර ඇත.
ආරක්ෂක හමුදා විසින් උතුරේ සිදුකරන ව්යාපාරික කටයුතු, තොරතුරු දැනගැනීමේ පනත යටතේ හෙළිකිරීමෙන් මාධ්යවේදී දිලීප් අමුදන් සම්මානයට පාත්රවූවෙකි.