ටෙස්ට් ක්රීඩා කරන රටක් ප්රථම වරට පරාජයට පත්කරමින් 2023 ලෝක කුසලාන ක්රිකට් තරගාවලියේ නෙදර්ලන්තය සහ දකුණු අප්රිකාව අතර ඊයේ (17) පැවැති තරගය ලකුණු 38කින් ජයගැනීමට නෙදර්ලන්ත කණ්ඩායම සමත්විය.
මෙම තරගය ආරම්භයට පෙරම වර්ෂාවෙන් බාධා එල්ලවීම හේතුවෙන් ඩක්වර්ත් ලුවිස් න්යාය අනුව එක් කණ්ඩායමකට හිමිවූ පන්දුවාර සංඛ්යාව 43 ලෙස තීරණය විය.
තරගයේ කාසියේ වාසිය දිනූ දකුණු අප්රිකාව ප්රථමයෙන් පන්දු රැකීමට තීරණය කල අතර ප්රථමයෙන් පන්දුවට පහරදුන් නෙදර්ලන්ත කණ්ඩායම නියමිත පන්දුවාර 43 අවසානයේ කඩුලු 8ක් දැවී වේගවත් ලකුණු 245 ක් රැස්කළේය.
කෙසේ වෙතත් ලකුණු 246ක ජයග්රාහී ඉලක්කය හඹාගිය දකුණු අප්රිකාව පන්දුවාර 42යි පන්දු 5ක් අවසානයේ සියලුදෙනා දැවී ලබාගත හැකි වූයේ ලකුණු 207ක් පමණි.
මෙය නෙදර්ලන්ත කණ්ඩායම එක්දින ජාත්යන්තර තරගයකදී ටෙස්ට් ක්රීඩා කරන රටක් පරාජයට පත්කළ පළමු අවස්ථාව ලෙස ඉතිහාසගත වෙයි.