ගාසාහි අල් අහ්ලි බැප්ටිස්ට් රෝහලට එල්ල වූ ඊශ්‍රායල ගුවන් ප්‍රහාරයකින් 500 ක් මියගොස් ඇතැයි ගාසා සෞඛ්‍ය බලධාරීන් උපුටා දක්වමින් ජාත්‍යන්තර මාධ්‍ය වාර්තා කරයි.
ඊශ්‍රායලය පවසන්නේ පිපිරීම පිළිබඳව විමර්ෂණය කරන බවයි. මෙය තම හමුදාවන්ගේ ප්‍රහාරයක්දැයි කීමට තවම කල් වැඩි බව ඊශ්‍රායල හමුදාව පවසයි.
ඇමෙරිකානු ජනාධිපති ජෝ බයිඩන් අද (බදාදා)ටෙල් අවිව් වෙත පැමිණීමට නියමිතයි.
මේ අතර ඊශ්‍රායල ගුවන් ප්‍රහාරයකින් හමාස් සංවිධානයේ ඉහළම පෙලේ සන්නද්ධ නායකයෙකු අඟහරුවාදා මියගොස් ඇතැයි වාර්තා වෙයි.
“අපි යුද්ධයේ මීළඟ අදියර සඳහා සූදානම් වෙමින් සිටිමු. ඒවා කුමක් වේදැයි අප පවසා නැත. හැමෝම කතා කරන්නේ ගොඩබිම් ප්‍රහාරය ගැනයි. එය ඊට වඩා වෙනස් දෙයක් විය හැකිය,” ඊශ්‍රායල හමුදා ප්‍රකාශකයෙක් පැවසීය.