රෆා දේශසීමා හරහා මානුෂීය ආධාර රැගෙන දකුණු ගාසා තීරයට ඇතුළුවීමට තාවකාලික සටන් විරාමයක් ලබාදීමට එකඟ වූ බවට පළවන මාධ්ය වාර්තා ඊශ්රායල රජය විසින් ප්රතික්ෂේප කර ඇතැයි විදෙස් මාධ්ය සඳහන් කළේය.
මේ සම්බන්ධව ඊශ්රායලයේ අගමැති බෙන්ජමින් නෙතන්යාවුගේ කාර්යාලය විසින් නිකුත් කරන ලද නිවේදනයක සඳහන් වන්නේ “මේ මොහොතේ, ගාසා තීරයට මානුෂීය ආධාර සඳහා සහ විදේශිකයන්ට පිටවීම වෙනුවෙන් සටන් විරාමයක් නොමැත” යන්නයි.
ඒ අනුව රෆා දේශසීමා විවෘත කර මානූෂීය ආධාර ලබා දෙන බවට සහ ඒ වෙනුවෙන් වන සටන් විරාමක්, වන පුවත් ප්රතික්ෂේප කරන බවට හමාස් සංවිධානයේ නිලධාරියකු ද රොයිටර් පුවත් සේවයට ප්රකාශ කර ඇත.
ඒ අනුව තවදුරටත් ඊජිප්තුව සහ ගාසා තීරය අතර රෆා දේශසීමා දොරටුව වසා තබනු ඇත.
මේ අතර “ළමයින් සමූල ඝාතනය කරන, ස්ත්රීන් අපහරණය කරන සහ ළදරුවන් පැහැරගෙන යන අයට කිසිම අනුකම්පාවක් ලැබිය යුතු නැත,” ඊශ්රායල සංස්කෘතික අමාත්ය මිකී සෝහාර් දැඩි ආධාර අවශ්යව සිටින ගාසානුවන් ගැන පවසා ඇත.
මේ අතර ඊශ්රායලයේ ලෙබනන් දේශසීමාවේ සිට කිලෝමීටර් 2ක දුරක් ඇතුළත සිටින සියලුම ඊශ්රායල ජනතාවට වහා ඉවත්වන්නැයි එරට හමුදාව උපදෙස් දී තිබේ.