සම්ප්‍රදායයික චීන “ගිම්හාන දිනය” චීන සංස්කෘතික මධ්‍යස්ථානයේ සංවිධානයෙන්

Share post:

වැඩසටහන යටතේ ජාතික පුස්තකාලයට පොත් පරිත්‍යාගයක්

ශ්‍රී ලංකාවේ චීන සංස්කෘතික මධ්‍යස්ථානය සහ නැන්ජින් සංචාරක හා සංස්කෘතික මණ්ඩලය විසින් “ගිම්හාන දිනය” සැමරීම සඳහා පවත්වන ලද සංස්කෘතික උත්සව මාලාවක් පසුගියදා කොළඹ සහ මහනුවර නගරවලදී පැවත්විණි. “ගිම්හාන දිනය” යනු චීන සංස්කෘතිය තුළ “චීන නව වසර” තරමටම වැදගත් සහ ඉතා ඉහළින් සමරනු ලබන වැදගත් දිනයකි. මෙම උත්සව මාලාව සැප්තැම්බර් 22 වැනි දින සිට 25 වැනිදා දක්වා පැවත්විණි.

කොළඹ චීන සංස්කෘතික මධ්‍යස්ථානයේදී පැවත්වුනු ප්‍රධාන උත්සවය සාම්ප්‍රදායයික චීන සහ ශ්‍රී ලාංකික සංස්කෘතික සංදර්ශන සහ කලා සහ ඡායාරූප ප්‍රදර්ශන, සාම්ප්‍රදායයික චීන තේ පානෝත්සව සමඟින් ඉතා වර්ණවත් අයුරින් පැවත්විණි. එහිදී චීන සංස්කෘතිය තුළ ‘ගිම්හාන දිනයේ’ ඇති වැදගත්කම සහ ඓතිහාසික චීන ශ්‍රී ලාංකික සබඳතාවයන් ගැන හරබර දේශන රැසක්ද ප්‍රකට කථිකයින් විසින් සිදු කරන ලදි.

චීන සංස්කෘතික මධ්‍යස්ථානයේ පැවති උත්සවය සඳහා ආරාධිතයින් වශයෙන් ශ්‍රී ලංකාවේ චීන තානාපතිතුමා, නැන්ජින් සංස්කෘතික හා සංචාරක මණ්ඩලයේ අධ්‍යක්ෂිකාව සහ ශ්‍රී ලාංකික රජයේ නියෝජිතයින් සහ සුබ පතන්නන් ඇතුළු විශාල පිරිසක් එක්ව සිටියහ.

චීන සංස්කෘතික මධ්‍යස්ථානය විසින් සංවිධානය කරන ලද ‘ගිම්හාන දින’ සැමරුම් වැඩසටහනේ තවත් වැදගත් අංගයක් වූයේ නැන්ජින් සංස්කෘතික හා සංචාරක මණ්ඩලය විසින් ශ්‍රී ලංකා ජාතික පුස්තකාලයට චීන පොත් සමුච්චයක් ප්‍රදානය කිරීමයි. එම උත්සවය 25 වැනි දින උදෑසන ජාතික පුස්තකාල පරිශ්‍රයේදී පැවත්විණි.

Related articles

කච්චතිව් නඩුව සහ මෝදිගේ ලංකාගමනය !

ඉන්දීය අගමැති නරේන්ද්‍ර මෝදි ලබන 05 වැනිදා ලංකාවට පැමිණීමට නියමිත ය. එහිදී ඔහු සාම්පූර් ප්‍රදේශයේ ඉදිකිරීමට සැලසුම් කර...

කැන්ගරු කැබ්ස් Genie Business සමග එක් වී Tap to pay ගෙවීම් ක්‍රමය හඳුන්වා දෙයි !

වසර 35ක් පාරිභෝගික විශ්වාසය දිනා ගනිමින් ශ්‍රී ලංකාවේ කුලී රථ සේවාවේ ප්‍රමුඛයෙකු වන කැන්ගරු කැබ්ස් නව තාක්ෂණයේ ඉදිරි...

“නාඔටුන්නගෙ කවි බහුතරය ගේන්නෙ වළ දාපු දුකක්” – ‘කළු පැහැති කුඩා පොත’

කළු පැහැති කුඩා පොත - සචින්ත ප්‍රමෝද් නාඔටුන්න මම වැඩිපුරම ආස පෙම් කවි කියවන්න. දැන් මං ආස පෙම් කවි...

මහාධිකරණ විනිසුරුවරුන්ට අධිකරණ සේවා කොමිසමෙන් වත්කම් ගැන ලිඛිත දැනුම්දීමක් !

විනිසුරුවරුන් නොවන අධිකරණ නිලධාරීන් 2024 සඳහා වාර්ෂික වත්කම් සහ බැරකම් ප්‍රකාශන ඉදිරිපත් කිරීමට අපොහොසත් වීම සම්බන්ධයෙන් තොරතුරු ලබාදෙන...