‘හැටේ වත්තේ මග්දලේනා (2013)’, ‘ඔබ නොඒ නම් කියන්න’ (2016) ‘ලෝටස්’ නවකතාව (2019) ගෙන ආ සෞම්‍ය සඳරුවන් ලියනගේ සිය තුන්වැනි කවි එකතුව, ‘ඉතිං කවියනි හොඳට නින්ද යනවද රෑට ?’ කාව්‍ය සංග්‍රහය ඊයේ (16) කොළඹ, මහවැලි කේන්ද්‍රයේදී ජනගත කෙරිණි.
මෙහිදී, සාහිත්‍යවේදී බුද්ධදාස ගලප්පත්ති, සාහිත්‍යවේදී නුවන් තොටවත්ත, අදහස් දැවීම් සිදුකළ අතර මෙහෙයවීම ලහිරු කිතලගම විසින් සිදුකරන ලදී.
කවි කියවීම නෙරංජි සුලක්ඛනා සහ කවි ගායනය ඔෂාන් විරාජ් විසිනි.
“වදන් තවරා හැඩට
රිදුම් විකිණූ පසුව
ඉතින් කවියෙනි
හොඳට නින්ද යනවද රෑට”
සෞම්‍ය සඳරුවන් ලියනගේ
“ප්‍රේමයක් කියන්නේ,
කටු ඇනෙන තැන්වලම
නතර වෙන්නැයි කියා
හදවතට බල කරන හැඟීමය.”
“හිම දිය ව යන කලෙක
උද්‍යාන බැංකුවක
ශේෂ වූ සැමරුමකි
වසන්තය ගැන මතක”
