ආසියා කුසලාන ක්රිකට් තරගාවලිය හෙට (30) පාකිස්තානයේ පන්ජාබ් නුවර මුල්තාන් ක්රිකට් ක්රීඩාංගණයේදී ආරම්භ වීමට නියමිත වුවද තවමත් ශ්රී ලංකා සංචිතය නම්කර නැත.
තරගාවලියේ සමාරම්භය සනිටුහන් කරමින් සත්කාරක පාකිස්තානය හා නේපාලය අතර, දිවා – රාත්රී පළමු තරගය පැවැත්වෙනු ඇත.
ආරක්ෂක හේතූන් මත පකිස්ථානයට යෑම ඉන්දියාව ප්රතික්ෂේප කිරීමත් සමග පාකිස්තානයේ මුල්තාන් හා ගඩාෆි ක්රීඩාංගණයේ තරග 4ක් පැවැත්වෙන අතර, අනෙක් තරග 9 ශ්රී ලංකාවේදී පැවැත්වීමට කටයුතු යොදා ඇත.
ජාත්යන්තර ක්රිකට් කවුන්සිලයේ පූර්ණ සාමාජිකත්වය හිමි ශ්රී ලංකාව, ඉන්දියාව, පාකිස්තානය, බංග්ලාදේශය, ඇෆ්ගනිස්තානය හා ආසියා කුසලාන තරගාවලියට සුදුසුකම් ලැබූ නේපාලය මෙම තරගාවලියට එක්වෙති.
පසුගිය වසරේ පැවැති ආසියානු කුසලාන ක්රිකට් තරගාවලිය – 2022 ජයග්රහකයින් වූ ශ්රී ලංකාව 1986,1997,2004,2008, 2014, යන වසර වලදී ආසියානු කුසලානය දිනා ගැනීමට සමත්වූහ.
සැප්තෑම්බර් මස 17 වැනිදා කොළඹ ආර්. ප්රේමදාස ජාත්යන්තර ක්රීඩාංගණයේදී අවසන් මහා තරගය පැවැත්වෙනු ඇත.