හපුතලේ ප්‍රදේශයේ හෝටලයක් තුළ පෙරේදා (22) රාත්‍රියේ වෙඩි තබා ඝාතනය කරන ලද පුද්ගලයා පැය 24 පොලිස් ආරක්ෂාව යටතේ සිටි අයෙකු බව අනාවරණය වේ.
ඝාතනය කරන ලද පුද්ගලයා ඝාතන නඩුවක සක්ෂිකරුවෙකි. එම හේතුව නිසා මෙසේ වෙඩි තබා ඇතැයි පොලිසිය සැක කරයි. ඝාතනය වූ පුද්ගලයා එම හෝලටයේ වසරකට වැඩි කාලයක් තිස්සේ සේවයේ නිරත ව සිටින අයෙක් වන අතර, මාතර – ගන්දර ප්‍රදේශයේ පදිංචිකරුවෙකි.
මෙම පුද්ගලයා විසින් ලබාදුන් සාක්ෂියක් මත මිනිස් ඝාතනයක් සම්බන්ධයෙන් පුද්ගලයන් 06 දෙනෙකු බන්ධනාගාරගතව සිටින බවත්, එම සාක්ෂිය ලබාදීම හේතුවෙන් ඔහුට මරණ තර්ජන එල්ලවී ඇති බවත් පොලිසිය සඳහන් කරයි. ඒ නිසා සාක්ෂිකරුවන් සහ වින්දිතයන් ආරක්ෂා කිරීමේ අධිකාරිය මගින් ඔහුට පැය 24 පුරා ම ආරක්ෂාව ලබාදීමට නියෝගයක් නිකුත් කර තිබේ.
ඒ අනුව ඔහු ගන්දර රැඳීසිටින කාලය තුළ පැය 24 පුරා ම පොලිස් ආරක්ෂාවක් ලබාදී තිබෙන අතර, ගන්දර රැඳී සිටීම ඔහුගේ ජීවිතයට තර්ජනයක් වූ බැවින් ඔහු පසුගිය කාලය පුරා සැඟවුණු ජීවිතයක් ගත කර ඇතැයි ද පොලිසිය පවසයි.