බුඩාපෙස්ට් හි පැවති ලෝක මලල ක්‍රීඩා ශූරතාවලියේ කාන්තා මීටර් 100 ලෝක ශූරතාව දිනා ගැනීමට එක්සත් ජනපදයේ ෂාකාරි රිචඩ්සන් ඊයේ (21) සමත්විය.
රිචඩ්සන් සඳුදා පැවැති අවසන් මහා තරගයේ දී තත්පර 10.65 ක වාර්තාගත කාලයකින් ජයග්‍රහණය කරා දිව ගියාය.
එම ජයග්‍රහණයත් සමග මෙතෙක් ලෝක ශූරතාවයට හිමිකම් කිවූ ජැමෙයිකාවේ ෂෙලී-ඇන් ෆ්‍රේසර්-ප්‍රයිස්ට හයවැනි කාන්තා ලෝක මීටර් 100 ශූරතාව දිනා ගැනීමේ බලාපොරොත්තුව බිඳ ගැනීමට සිදුවිය.
දණහිසේ ආබාධයකින් පෙලෙමින් දුෂ්කර කාල පරිච්ඡේදයක් ගත කිරීමෙන් පසුව තරග බිමට එක්වූ ෆ්‍රේසර්-ප්‍රයිස්, ලෝකඩ පදක්කමක් දිනා ගැනීමට හැකිවීම පිළිබඳ “සැබවින්ම සතුටට පත්වන ” බව පැවසුවාය.
ජැමෙයිකානු ක්‍රීඩිකා ෂෙරිකා ජැක්සන් තත්ත්පර 10.77 කාලයක් වාර්තා කරමින් රිදී පදක්කම් දිනා ගත්තාය.
කෙසේවෙතත් ෂාකාරි රිචඩ්සන් තහනම් උත්තේජක භාවිතා කිරීමේ චෝදනාවක ලක්වීම නිසා ටෝකියෝ ඔලිම්පික් උළෙල තහනම් විය.
එමෙන්ම ෂකාරි 2017 වසරේදී ටෝරි බෝවීගෙන් පසු මීටර් 100 ජාත්‍යන්තර තරග ඉසව්ව ජයගත් පළමු අමෙරිකානු ජාතික ක්‍රීඩිකාව ද වන්නීය.