දැල් පන්දු ලෝක කුසලාන තරගාවලිය – 2023 අනිද්දා ( 28) දකුණු අප්රිකාවේ කේප් ටවුන් හිදී ආරම්භ වීමට නියමිතව තිබේ.
මෙවරද දැල් පන්දු ලෝක කුසලානය වෙනුවෙන් කණ්ඩායම් 16ක් ක්රීඩාකරන අතර ශ්රී ලංකා ජාතික දැල්පන්දු කණ්ඩායමද මෙවර ලෝක කුසලාන තරගාවලිය සඳහා එක්වනු ඇත.
ඊට සහභාගි වීමට ප්රථම බොට්ස්වානා හිදී ජාත්යන්තර පුහුණු සැසියක් පැවැත්වුණු අතර එහිදී පැවැත්වුණු තරග හතරෙන්ම හ්රී ලංකා පිල ජයග්රහණය කළේය.
ආසියානු ශූරියන් ලෙස ශ්රී ලංකා දැල් පන්දු කණ්ඩායම ලෝක කුසලාන තරගාවලියට එක්වන අතර මෙවර ඔවුන් C කාණ්ඩය යටතේ ක්රීඩා කිරීමට නියමිතය.
සී කාණ්ඩයේ මූලික වටයේ තරග 28 වැනිදා ආරම්භ වන අතර එදින ජැමෙයිකාව සමගත්, ජූලි 29 වැනිදා දකුණු අප්රිකාව සමග සහ ජූලි 30 වැනිදා වේල්සය සමග ශ්රී ලංකා ක්රීඩිකාවන් තරග කරනු ඇත.
මෙවර කාණ්ඩ හතරක් යටතේ තරග පැවැත්වෙන අතර A කාණ්ඩය යටතේ ඔස්ට්රේලියාව, ටොන්ගා සිම්බාබ්වේ සහ ෆිජී කණ්ඩායම් තරග කරනු ඇත.
එමෙන්ම B කාණ්ඩය යටතේ එංගලන්තය, මලාවි, ස්කොට්ලන්තය සහ බාබඩෝස් යන කණ්ඩායම් තරග කරනු ලබයි.
D කාණ්ඩය යටතේ නවසීලන්තය, උගන්ඩා, ට්රින්ටෑඩ් සහ ටොබැගෝ සහ සිංගප්පූරුව තරග වැදීමට නියමිතය.
අවසාන වරට 2019 වසරේදි ලිවර්පූල් හි පැවති දැල්පන්දු ලෝක කුසලාන තරගාවලියේදී ශ්රී ලංකාව 15 වන ස්ථානයට පත්වුණු අතර ලෝක කුසලාන දැල්පන්දු තරගාවලියක ශ්රී ලංකාව වාර්තා කරපු ඉහළම ස්ථානය වාර්තාවූයේ 1963 වසරේ පැවැති සමාරම්භක ලෝක දැල් පන්දු කුසලාන තරගවලියේදීය.
එංගලන්තයේදී පැවැති එම ලෝක ශුරතාවලියෙදි ශ්රී ලංකාව 9 වැනි ස්ථානය දිනාගැනීමට සමත්විය.
ශ්රී ලංකා ලෝක කුසලාන දැල් පන්දු සංචිතය
ගයාංජලී අමරවංශ (නායිකා) දුලංගි වන්නිතිලක (උප නායිකාව), තිෂාලා අල්ගම, සේමිණී අල්විස්, රශ්මි දිව්යාංජලී, මල්මි හෙට්ටිආරච්චි, ගයානි දිසානායක, චතුරංගි ජයසූරිය, ගයත්රි කෞශල්යා, භාෂිණී ද සිල්වා, ශානිකා පෙරේරා, තර්ජනී සිවලිංගම්
අතිරේක ක්රීඩිකාවන් – රුක්ෂලා හපුආරච්චි, චමුදි වික්රමරත්න, ඉමේෂා පෙරේරා, තරුෂි පෙරේරා