උණ රෝගයට ප්‍රතිකාර ලබා ගැනීම සඳහා පානදුර රෝහලට ඇතුළත් කළ ජාතික ඖෂධ නියාමන අධිකාරියේ සේවය කරන අවුරුදු 33ක් වයසැති කළමනාකාර සහායකවරයෙක් කැනියුලාවක් මඟින් විෂබීජයක් ආසාදනය වීම හේතුවෙන් මියගොස් තිබේ.
රෝහල් ආරංචි මාර්ග පෙන්වා දෙන්නේ මෙම පුද්ගලයා තමන්ට ඇති වූ උණ රෝගයට ප්‍රතිකාර ලබා ගැනීම සඳහා රෝහලට ඇතුළත් කළ අවස්ථාවේදී ඔහුට සේලයින් ඇතුළු ඖෂධ ලබාදීම සඳහා අතට සවිකළ කැනියුලාවෙන් විෂබීජයක් ඇතුළු වී එය රුධිරය හරහා හෘදය දක්වා ගමන් කර ඇති වූ අසාත්මිකතාවක් හේතුවෙන් මරණය සිදුව ඇති බවයි.
උණ රෝගය වැළදී දරුණු ලෙස රුධිර පට්ටිකා අඩුවීම හේතුවෙන් ඔහුට සේලයින් ඇතුළු විවිධ ඖෂධ වෛද්‍ය නිර්දේශ මත කැනියුලාව හරහා ලබාදීමෙන් පසුව රෝගය සුවපත්වීමෙන් අනතුරුව ඔහු නිවස බලා ගොස් තිබේ.
මෙලෙස සුවය ලබා නිවසට ගිය පුද්ගලයාගේ කැනියුලාව සවි කර තිබූ අත ඉදිමීම නිසා නැවත අසනීප තත්ත්වය උත්සන්න වී රෝහල් ගත කර ඇත.
එහිදී සිදුකරන ලද පරීක්ෂණවලින් දැනගැනීමට ලැබී ඇත්තේ විෂබීජයක් ශරීරගත වී එය හෘදයේ අසාත්මිකතාවක් ඇතිකිරීම දක්වා ගමන් කර ඇති බවයි.
(මූලාශ්‍රය : www.news19.lk)