ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලක ඩොලර් 150,000ක පුද්ගලික ඇපයක් මත සිඩ්නි අධිකරණයක් මගින් ඇප ලබා දී තිබේ.
ඊට අමතරව මහෙස්ත්‍රාත් විසින් පනවා ඇති ඇප කොන්දේසි වලට අනුව ධනුෂ්ක ගුණතිලක දිනපතා පොලීසියට වාර්තා කළ යුතු වන අතර රාත්‍රී 09ත් උදෑසන 06ත් අතර ගමන් බිමන්, ටින්ඩර් සහ වෙනත් Dating App භාවිතය සහ පැමිණිලිකාරිය සමග සම්බන්ධතා පැවැත්වීමද තහනම් කර තිබේ.
පසුගිය 06 වනදා සිඩ්නි පොලිස් කණ්ඩායමක් විසින් ධනුෂ්ක අත්අඩංගුවට ගැනුණි.
ඒ 29-හැවිරිදි තරුණියක් කළ පැමිණිල්ලකට අනුවය. එහිදී අය සඳහන් කර තිබුණේ ධනුෂ්ක විසින් තමාව “තම කැමැත්ත නොමැතිව” සිව් වතාවක් ලිංගික අපයෝජනයට ලක්කළ බවයි.
එම සිද්ධිය නොවැම්බර් 02 වනදා, එම තරුණියගේ නිවසේදී සිදුවූවක් බවද අධිකරණයේදී හෙළිවිය.
මේ අතර අධිකරණයට ගුණතිලකගේ නීතිඥයින් දන්වා ඇත්තේ සැකකරු ට සහාය වීමට ශ්‍රී ලංකා රජය සහ ශ්‍රී ලංකා ක්‍රිකට් ආයතනය ඉදිරිපත් වී ඇති බවය.