ලෝක කුසලාන සුදුසුකම් ලැබීමේ තරගාවලියේ සුපිරි 6 වටයේ අවසන් තරගය අද (07) ශ්‍රී ලංකාව සහ බටහිර ඉන්දීය කොදෙව් කණ්ඩායම අතර සිම්බාබ්වේ හරාරේ ක්‍රීඩාංගණයේහිදී පැවැත්වේ.
ශ්‍රී ලංකා වේලාවෙන් පස්වරු 12.30 ආරම්භ වීමට නියමිත මෙම තරගය අරමුභ වන අතර මෙහි ප්‍රතිඵලය අවසන් මහා තරගයට බලපෑමක් නැත.
මේ වනවිටත් ශ්‍රී ලංකාව සහ නෙදර්ලන්තය අවසන් මහා තරගයට සුදුසුකම් ලබා අවසන්ය.
මෙම තරගයෙන් ශ්‍රී ලංකාවට කොදෙව් කණ්ඩායම පරාජයට පත් කිරීමට හැකිවුවහොත් අපරාජිතව අවසන් මහා තරගයට එක්වන කණ්ඩායම බවට පත්විය හැකිය.
මේ වන විට අයිසීසී එක්දින කණ්ඩායම් ශ්‍රේණිගත කිරීම් අනුව ශ්‍රී ලංකාව 8 වැනි ස්ථානයේත් කොදව් පිල 10 වැනි ස්ථානයෙත් පසු වෙයි.
කොදෙව් ශ්‍රී ලංකා දෙපිල ජාත්‍යන්තර එක්දින ක්‍රිකට් පිටියේදී 63 වරක් හමුව ඇති අතර, ඉන් තරග තරග 31ක් කොදෙව් පිල ජය ගනිද්දී තරග 29ක් ශ්‍රී ලංකාව ජය ගැනීමට සමත්ව ඇත. තරග 3ක් නිමා වී ඇත්තේ ජය පරාජයෙන් තොරවය.