ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු නවතම ICC එක්දින ක්‍රීඩිකාවන් ශ්‍රේණිගත කිරීම්හි පිතිකාරිණියන් අතර පළමු ස්ථානයට පත්ව තිබේ.
ශ්‍රී ලංකා ක්‍රීඩිකාවක් ලෝක ශ්‍රේණිගත කිරීම්වල අංක එකේ ස්ථානයට පත්වූ පළමු අවස්ථාව මෙය වේ.
නවසීලන්තයට එරෙහිව ඊයේ(03) නිමා වූ එක්දින තරගාවලියේ දී ශතක දෙකක් වාර්තා කරමින් දැක් වූ සුවිශේෂී දක්ෂතා හේතුවෙන් ඇය මෙලෙස පිතිකාරිණියන් අතර පෙරමුණට පත්ව ඇත.
චමරි අතපත්තු ලකුණු 758 ක් රැස් කරගෙන ශ්‍රේණිගත කිරීම් වල පළමු ස්ථානයට පත්ව ඇත.
එක්දින තරග 95 කදී ලකුණු 3199 ක් රැස් කරගෙන සිටින චමරි ශතක 08 ක් අර්ධ ශතක 15 ක් ලබා සිටී.