19 වැනි ආසියානු ක්රීඩා උළෙලට ශ්රී ලංකාවෙන් ක්රීඩා ඉසව් 21 කට අයත් ක්රීඩක ක්රීඩිකාවන් 100ක් හා නිලධාරීන් 56 දෙනෙකුගෙන් සමන්විත සමස්ත කණ්ඩායමක් සහභාගී කිරීමට අපේක්ෂා කරන බව ජාතික ක්රීඩා සභාව පවසයි.
චීනයේ ‘‘හන්ජෝ’’ නුවර දී ලබන සැප්තැම්බර් 23 වැනිදා ආරම්භ වීමට නියමිත මෙම තරගාවලිය ඔක්තෝබර් 8 වැනිදා දක්වා පැවැත්වේ.
වසර 2022 දී පැවැත්වීමට නියමිතව තිබිය දී එය වසරකින් ඉදිරියට කල් දමනු ලැබුවේ චීනයේ නැවත කොවිඩ් වසංගතය පැතිරයාමේ තත්වයක් හේතුවෙනි.
මාධ්ය හමුවකට එක්වෙමින් ජාතික ක්රීඩා සභාවේ සභාපති අර්ජුන රණතුංග පවසා සිටියේ රටේ උද්ගතව තිබෙන ආර්ථික අවපාතය හමුවේ වුව ද ආසියානු ක්රීඩා තරග සංචාරය සඳහා ශ්රී ලාංකික ක්රීඩක ක්රීඩිකාවන් වැඩි පිරිසකට අවස්ථාව සලසා දීමට ජාතික ක්රීඩා සභාව කටයුතු කරන බවයි.
එහෙත් ඒ සඳහා අනවශ්ය ලෙස නිලධාරීන් සහභාගී වීම ජාතික ක්රීඩා සභාව විසින් වළක්වන බව ද එහිදී සභාපතිවරයා පවසා සිටියේය.