ජනාධිපති ලේකම් කාර්යාලයට අයත් වාහන 51ක් සම්බන්ධයෙන් 2022 වසරේ අවසානය දක්වා කිසිදු තොරතුරක් සොයාගැනීමට නොහැකි වී තිබේ.
ජාතික විගණන කාර්යාලය නිකුත් කළ නවතම වාර්තාවක මේ බව සඳහන් ය. මෙසේ අදාළ වාහන තිබෙන ස්ථානයක් හෝ සොයාගැනීමට නොහැකි වීම නිසා ඒවායේ වටිනාකම සොයාගැනීමට ද නොහැකි වී ඇතැයි එම වාර්තාවේ දැක්වේ.
මේ අතර ජනාධිපති කාර්යාලය සතුව තිබූ වාහන 53ක් වෙනත් රාජ්ය ආයතන, විහාරස්ථාන, ආගමික නායකයන් හා පාර්ලිමේන්තු මන්ත්රීවරුන්ට විධිමත් ක්රමවේදවලින් බැහැර ව නිදහස් කර ඇති බව ද ජාතික විගණන කාර්යාලය සඳහන් කරයි. අදාළ වාර්තාවට අනුව වාහන 27ක් සඳහා ජනාධිපති කාර්යාලය නඩත්තු වියදම් ලෙස 2022 වසරේදී පමණක් රුපියල් එක් කෝටි තිස් ලක්ෂයක් වැයකර ඇත. විගණන අංශ පෙන්වා දෙන්නේ මෙම වියදම් ප්රතිපූර්ණය කරගැනීමට හෝ කටයුතු කර නැති බවයි.
මේ සම්බන්ධයෙන් ජාතික විගණන කාර්යාලය මගින් අවස්ථා කිහිපයකදී ජනාධිපති ලේකම් කාර්යාලයෙන් විමසීම් කර ඇතත්, ඒවාට විධිමත් පිළිතුරක් ලබා දී නැත.