මානව හිමිකම් සම්බන්ධයෙන් ශ්රී ලංකා රජයේ වගවීමේ ක්රියාවලිය කනගාටුදායක බවත්, එක්සත් ජාතින්ගේ මානව හිමිකම් කොමිසමේ ඇතැම් යෝජනා ප්රතික්ෂේප කර ඇති බවත් එම කොමිසමේ මහ කොමසාරිස් වොල්කර් ටුර්ක් ඊයේ (19) අවධාරණය කළේය.
එක්සත් ජාතීන්ගේ මානව හිමිකම් කොමිසමේ නව මහ කොමසාරිස්වරයා ලෙස පත්වීමෙන් අනතුරුව ටුර්ක් ශ්රී ලංකාව සම්බන්ධයෙන් සිදු කළ පළමු ප්රකාශය මෙයයි.
කොමිසමේ 53 වැනි සැසිවාරය ආරම්භ කිරීමේ අවස්ථාවට එක්වෙමින් මහ කොමසාරිස්වරයා මේ බව සඳහන් කර තිබේ.
ටුර්ක් පෙන්වා දෙන්නේ අදාළ යෝජනා ප්රතික්ෂේප කළද, සිය කොමිසමේ නියෝජිතයන් නිරන්තරයෙන් ශ්රී ලංකාවට පැමිණෙමින් සම්බන්ධතා අඛණ්ඩව පවත්වාගෙන ගොස් ඇති බව ය.
පසුගිය වසර 10ක කාලය තුළ කොමිසමේ නියෝජිතයන් බොහෝදෙනෙකු ශ්රී ලංකාවට පැමිණ ඇති අතර, ඔවුන්ගේ නිර්දේශ ක්රියාත්මක කිරීමට මෙරට බලධාරීන් දිරිමත් කරන බව එක්සත් ජාතීන්ගේ මානව හිමිකම් පිළිබඳ මහකොමසාරිස්වරයා සඳහන් කර ඇත.
ඊයේ (19) ජිනීවාහිදී ආරම්භ වූ මෙම සැසිවාරය ලබන ජූලි 14 දක්වා පැවැත්වීමට නියමිත ය.
මෙහිදී ශ්රී ලංකාව සම්බන්ධයෙන් විශ්ව කාලාන්තර සමාලෝචනය පිළිබඳ ක්රියාකාරී කණ්ඩායමේ වාර්තාව ඉදිරිපත් කිරීමට ද නියමිතව තිබේ.