ක්රිකට් ලෝක කුසලාන සුදුසුකම් ලැබීමේ තරගාවලියේ ඊයේ (19) පැවති ශ්රී ලංකා කණ්ඩායම සහ එක්සත් අරාබි එමීර් රාජ්ය කණ්ඩායම අතර තරගයෙන් ලකුණු 175ක ජයග්රහණයක් වාර්තා කිරීමට ශ්රී ලංකා කණ්ඩායම සමත් විය.
මුලින් පන්දුවට පහරදුන් ශ්රී ලංකා කණ්ඩායම පන්දු වාර 50ක් අවසානයේ කඩුලු 6ක් දැවී ලකුණු 355ක් ලබාගත්තේය. පිළිතුරු ඉනිම ක්රීඩා කළ එක්සත් අරාබි එමීර් රාජ්ය කණ්ඩායමට පන්දු වාර 38ක් අවසානයේ සියලුදෙනා දැවී ලබාගත හැකිවූයේ ලකුණු 180ක් පමණි.
පන්දු යැවීමේදී ශ්රී ලංකා කණ්ඩායම වෙනුවෙන් වනිඳු හසරංග කඩුලු 6ක් සහ ළහිරු කුමාර, මහීෂ් තීක්ෂණ හා ධනංජය ද සිල්වා එක් කඩුල්ල බැඟින් ද බිඳහෙළීමට සමත් වූහ. ශ්රී ලංකා කණ්ඩායම වෙනුවෙන් මුල් පිතිකරුවන් සිව්දෙනා ම අර්ධ ශතක වාර්තා කිරීම ද මෙහිදී සිදු වූ විශේෂත්වයකි.
තරගයේ කාසියේ වාසිය දිනාගත් එක්සත් අරාබි එමීර් රාජ්ය කණ්ඩායම පළමුව පන්දු යැවීමට තීරණය කළේය.