ශ්රී ලංකා ගුවන් හමුදා ක්රීඩා කවුන්සිලය සහ ශ්රී ලංකා ස්කොෂ් සම්මේලනය සමග එක්ව 14 වැනි වරටත් සංවිධානය කරනු ලැබු ගුවන් හමුදා විවෘත ස්කොෂ් තරගාවලිය 2022 නොවැම්බර් මස 05 වන දින සිට 12 වන දින දක්වා ශ්රී ලංකා ගුවන් හමුදා රත්මලාන කඳවුරු ස්කොෂ් සංකීර්ණයේදී පැවැත්විණි .
ජාත්යන්තරව පිළිගත් ශ්රේණිගත කිරීමේ ඉසව්වක් වන මෙම ගුවන් හමුදා විවෘත ස්කොෂ් තරගාවලිය සදහා දේශිය මෙන්ම විදේශිය ක්රීඩක ක්රීඩිකාවන් 400 දෙනෙකු පමණ සහභාගි විය.
මෙම තරඟාවලිය වයස අවුරුදු 13න් පහළ, අවුරුදු 15න් පහළ, අවුරුදු 17න් පහළ සහ අවුරුදු 19න් පහළ යන වයස් කාණ්ඩ යටතේ ද පිරිමි සහ කාන්තා විවෘත, පිරිමි සහ කාන්තා ආධුනික අවුරුදු 35න් පහළ, අවුරුදු 40න් පහළ, අවුරුදු 45න් පහළ, සහ අවුරුදු 50න් ඉහළ යන කාණ්ඩ යටතේද තරග ඉසව් පැවැත්විණි.
එහිදී විවෘත ස්කොෂ් පිරිමි සහ කාන්තා අවසන් තරගය සදහා පිරිමි අංශයෙන් පකිස්ථාන ගූවන් හමුදාව නියෝජනය කරමින් ෆර්හාන් සමන් (Farhan Zaman ) හා ශ්රී ලංකා ක්රීඩක රවිදු ලක්සිරි තරග වැදුණු අතර එහිදි රවිඳු වට 3 ට 2ක් ලෙස ඔහු ජයග්රහනය කළේය.
එමෙන්ම කාන්තා අංශයේ අවසන් තරගය පැතොම් ඉසඩින් (Fathoum Issadeen) හා යෙහානි කුරුප්පු (Yeheni Kuruppu) අතර පැවති අතර එහිදි වට 3 ට 2ක් ලෙස පැතොම් ඉසඩින් (Fathoum Issadeen) ජය ගන්නා ලදී.
මෙම අවස්ථාව සදහා ගුවන් හමුදා ස්කොෂ් සංගමයේ සභාපති ගෲප් කැප්ටන් පුජන ගුණතිලක, ගුවන් හමුදා ක්රීඩා කවුන්සිලයේ ලේකම් සහ ශ්රී ලංකා ස්කොෂ් සම්මේලනයේ උප සභාපති මෙන්ම ශ්රී ලංකා ස්කොෂ් සම්මේලනයේ තරග සංවිධාන කමිටුවේ සභාපති ගෲප් කැප්ටන් එරන්ද ගීගනගේ, ශ්රී ලංකා ස්කොෂ් සම්මේලනයයේ ලේකම් එරංග අල්විස්, ගුවන් හමුදා අධ්යක්ෂක මණ්ඩලයේ නිළධාරින් මෙන්ම ක්රීඩා ලෝලින් විශාල පිරිසක් ද සහභාගි විය.
