දකුණු කොරියාවේ යෙචියොන් නුවර දී පසුගිය (4) වැනිදා ආරම්භ වුණු 20 වැනි ආසියානු 20 න් පහළ මලල ක්‍රීඩා ශූරතා තරගාවලියේ රන් පදක්කම් දෙකක් එක් රිදී පදක්කමක් සහ ලෝකඩ පදක්කමක් දිනා ගනිමින් ශ්‍රී ලංකාව මේ වනවිට පදක්කම් සටහනේ 04 වැනි ස්ථානයේ පසුවෙයි.
එහිදී මීටර් 800 කාන්තා ඉසව්වේ රන් පදක්කම තරුෂි දිල්හාරා කරුණාරත්න දිනා ගැනීමට සමත් වූ අතර මීටර් 400×4 සහාය දිවීම තරගයේ රන් පදක්කමද ශ්‍රී ලංකාවට හිමිවිය.
එමෙන්ම මීටර් 400 (කාන්තා) ඉසව්වෙන් රිදී පදක්කමක් හා ලෝකඩ පදක්කමක් ශ්‍රී ලංකා ක්‍රීඩිකාවන් සමත් විය.
තරුෂි දිල්හාරා කරුණාරත්න තත්පර 53.70 කට තරය නිමා කරමින් එහි රිදි පදක්කම දිනා ගත් අතර ජයෙෂි උත්තරා තත්පර 55.51කට තරගය නිමා කරමින් එහි ලෝකඩ පදක්කම දිනා ගත්තාය.
එමෙන්ම ඊයේ (05) දිනයේදී තුන් පිම්ම පැනීමේ ඉසව්වේ ලෝකඩ පදක්කම දිනා ගැනීමට ශ්‍රී ලංකා ක්‍රීඩක මලිත් යසිරු සමත් විය.