නොවැරදීම ඔබ එන්න
ජූනි 14 සවස 3ට
මහවැලි කේන්ද්‍රයට
ආරියවංශ රණවීරගේ
‘කඳු නගින්නෝ’ හමුවන්න….
දෙසුම්
සුනිල් විජේසිරිවර්ධන
දිලිප් කුමාර් ලියනගේ
කරදර කළෙමි
නගරයේ
සියලුම
පද’දුරන් හට
කඳු කඳු
ගොඩගැසී ඇත
ව්‍යාකරණ පොත්
මේසය මත
කියන්න
මට
ඔබට නිසි විශේෂණය
ඔබමද?
රණවීර
චූලානන්ද සමරනායක
යතුර
කඳු නගින්නට
ගගන සරන්නට
කණිකා දකින්නට
රන් රෝස වවන්නට
රන් සුණු පොළන්නට
ගිනි ද සිසිල ද එකට ගෙන
ඉන් ඇවිලෙන්නට
දුන් යතුර ද මේ
සීතා කුමාරිය සමගින්
අගනුවර සීතාඑළියක නිවසන
ෆ්‍රොස්ට්- විට්මන් සොයා
අකනිටා ලෝතලහි සැරිසරනතු’ර
ඇමරිකා කව් අරණේ
දොරගුළු විවර කළ
යතුර ද මේ
ඔබ සතු ධනය
ඔබ ලියූ කවි
ඒ හතර මහා නිධානයේ
අගුළ ඇර ‘හායි’ ගා
සේසත ම අපට පැවරූ
දානපති කවියා ද ඔබ
ආරක්ෂක අමාත්‍යංශයේ සිටිමින් ම
කවියෙකු වූයේ ඔබ පමණි
දකුණත බිඳෙද්දී නිතර
කවි යතුර අත නෑර
බෙබෙල් කොත බැඳි
සුරතුර වන් දෑත
ජීවිත කාලයක් වැර යොදා
කවි බරුව තල්ලු කරත මුදුනට ම
පෙරළා රූටන බව දැන දැන ම
අලුයම කඳු පාමුලට නැවත නැවතත්
අප කෙරේ දයාවෙන් ම
ඒ මහා දඬුවම වැළඳ ගත්
අපේ සිසිපස් කිවිඳු ඔබ ය
සඳ ඇබින්දක් මදි යි කී
‘චූළ කිවිඳුනි’
එය යි ඔබ රුචි කළ යෙදුම
සඳ එන්න මුළුමනින් පායලා
ඔබේ ගෙට.
දිනය වෙන් කරමු මගේ මිතුරු මිතුරියනි. ආචාර්‍ය ආරියවංශ රණවීර කිවිඳුන්ගේ නවතම කව් රොන් සුණු දෝත, “කඳු නගින්නෝ” දොරට වැඩුම. දිනය – 2023.06.14
හිනිදුම සුනිල් සෙනෙවි
