අන්තර්ජාතික ක්‍රිකට් කවුසිලයේ නවතම විස්සයි20 ක්‍රීඩිකාවන් ශ්‍රේණිගත කිරීම අනුව අනුව ශ්‍රී ලංකා ක්‍රිකට් නායිකා චමරි අතඅතපත්තු පළමු 10 අතර රැඳී සිටියි.
ඒ අනුව ඇය ලොව ක්‍රිකට් ක්‍රීඩිකාවන්ගේ පිතිකරණ ලැයිස්තුවේ 9 වැනි ස්ථානය දක්වා ඉහළට පැමිණ තිබේ.
පසුගියදා නිමාවට පත්වූ බංග්ලාදේශයට එරෙහි තරග තුනකින් සමන්විත තරගාවලිය තරග 2-1ක් ලෙස ජය ගැනීමත් සමග චමරී ස්ථාන දෙකකින් ඉදිරියට පැමිණීමට සමත් වූවාය.
චමරි ලකුණු 643 ලබාගෙන 09 වැනි ස්ථානයේ රැඳී සිටිද්දී ලකුණු 801 ලබාගෙන ඔස්ට්‍රේලියාවේ තාලියා මැග්‍රාත් එහි පළමු ස්ථානයේ රැඳී සිටියි.
ඔස්ට්‍රේලියිවේ බෙත් මූනි එහි දෙවැනි ස්ථානයත් ඉන්දියාවේ ස්ම්‍රිති මන්දනා තෙවැනි ස්ථානයෙත් රැඳී සිටියි.
වමතින් පන්දුවට පහරදෙන චමරි අතපත්තු ඇය එක්දින ජාත්‍යන්තර තරග පිතිකරණ ශ්‍රේණිගත කිරීම් අනුව එක් ස්ථානයකින් ඉදිරියට පැමිණ ලකුණු 673 ක් ලබා ලොව 7 වැනි ස්ථානයේ සිටියි.