ජාත්යන්තර චෙස් තරගාවලිය මේ මස 12 සිට 16 දක්වා කොළඹ සුගතදාස ගෘහස්ථ ක්රීඩාංගණයේදී පැවැත්වේ.
ශ්රී ලංකා චෙස් සම්මේලනය 14 වැනි වරටත් සංවිධානය කරනු ලබන මෙම තරගාවලිය සඳහා දෙස් විදෙස් චෙස් ක්රීඩක ක්රීඩිකාවන් 500 ක් පමණ සහභාගී වීමට නියමිතය.
මෙය තරගාවලියේ ජයග්රාහකයින් සඳහා කුසලාන සහ පදක්කම් මෙන්ම මුදල් ත්යාගද පිරිනැමීමට නියමිත අතර විවෘත ශූරතාවය සඳහා රුපියල් 200,000ක් ද අනුශූරතාව සදහා රුපියල් 100,000ක් ද තෙවැනි ස්ථානය සදහා රුපියල් 50,000ක් ද එමෙන්ම එම ඉසව්වේ සිව් වැනි ස්ථානයේ සිට පහළොස් වැනි ස්ථාන සදහා ද මුදල් ත්යාග පිරිනමනු ඇත.
එමෙන්ම කාන්තා ශූරතාව සදහා රුපියල් 60,000ක් ද අනු ශූරතාව සදහා රුපියල් 35,000 ක්ද තෙවැනි ස්ථානය සදහා රුපියල් 25,000ක් ද එම ඉසව්වේද සිව් වැනි හා පස් වැනි ස්ථාන දෙක සදහා ද මුදල් ත්යාග පිරිනැමේ.
තරගාවලියේ වයස 7 න් පහළ 9 න් පහළ 11 න් පහළ 13 න් පහළ සහ 15 න් පහළ බාලක ,බාලිකා තරග ඉසව්වල ජ්යග්රාහකයින්ට ද මුදල් ත්යාග පිරිනැමීමට කටයුතු යොදා ඇතැයි සංවිධායකයින් පවසයි.