සංචාරක අයර්ලන්ත කණ්ඩායම සමග පැවැත්වීමට නියමිත තරග දෙකකින් යුත් ටෙස්ට් ක්‍රිකට් තරගාවලියේ දෙවැනි හා අවසන් ටෙස්ට් තරගය සදහා වන ශ්‍රී ලංකා සංචිතය නම් කර තිබේ.
එහි කිසිඳු වෙනස් කමක් සිදු නොකළ අතර පළමු ටෙස්ට් තරගය සදහා නම් කෙරුණු ක්‍රීඩකයින් 15 දෙනෙකුගෙන් යුත් සංචිතයම දෙවැනි තරගය සදහා ද ක්‍රීඩා කරනු ඇත.
ලහිරු කුමාර හා කසුන් රාජිත මෙම තරගයෙන් ද විවේක ගන්වා ඇති අතර, පැතුම් නිස්සංක හා ඕෂද ප්‍රනාන්දුට සංචිතයේ ඉඩ හිමි වී නැත.
එමෙන්ම තවමත් ටෙස්ට් වරම් නොලැබූ මිලාන් රත්නායක හා දුෂාන් හේමන්ත තවදුරටත් සංචිතයේ රැඳී සිටියි.
දෙරට අතර පැවැත්වෙන අවසන් ටෙස්ට් තරගය එළඹෙන 24 වැනිදා ගාල්ලේ දී ආරම්භ වීමට නියමිතයි.
දෙරට අතර පැවැත්වුණු පළමු ටෙස්ට් තරගය අවසන් වුණේ ශ්‍රී ලංකා කණ්ඩායට ඉනිමක සහ ලකුණු 280ක වාර්තාගත ජයක් අත්කර දෙමිනි.
මේ තරගය අවුරුදු 42ක ටෙස්ට් ඉතිහාසයේ ලබාගත්ත ඉහළම ජයග්‍රහණය ලෙස සැලකේ.
මින් පෙර 2004 වසරේදි සිම්බාබ්බේ කණ්ඩායමට එරෙහිව ලංකාව ඉනිමකින් සහ ලකුණු 254කින් ජය ගෙන ඇත.