දැල්පන්දු ලෝක කුසලානය – 2023 සඳහා වන ක්‍රීඩිකාවන් 12 දෙනෙකුගෙන් සමන්විත ශ්‍රී ලංකා සංචිතය නම් කර තිබේ.
ශ්‍රී ලංකා දැල්පන්දු සංගමය විසින් එම සංචිතය ක්‍රීඩා අමාත්‍යවරයාගේ අනුමැතිය සඳහා ඉදිරිපත් කර ඇත.
මීට පෙර දැල්පන්දු සම්මේලනය විසින් මූලික සංචිතයක් නම් කළ අතර එම සංචිතය ජාතික දැල්පන්දු පුහුණුකාරිණිය වන තිලකා ජිනදාස සහ එන්. ප්‍රසාදි යටතේ පුහුණුවීම් කටයුතු සිදු කළාය.
ලෝක කුසලානය සඳහා නම් කළ අවසන් සංචිතය: තිශලා අලගම, සේමිනී අල්විස්, ගයන්ජලී අමරවංශ, රශ්මි දිව්‍යාංජලී, දුලංගි වන්නිතිලක. මල්මි හෙට්ටිආරච්චි, ගයනි දිසානායක, චතුරංගි ජයසූරිය, ගයත්‍රි කෞෂල්‍යා, තර්ජනී ශිවලිංගම්, භාෂිනී යෝෂිතා ද සිල්වා, ශානිකා පෙරේරා.
අතිරේක ක්‍රීඩිකාවන්: ඉමේෂා පෙරේරා, රුක්ෂලා හපුආරච්චි, චමුදි වික්‍රමරත්න, තරුෂි නවෝද්‍යා පෙරේරා.
මෙවර දැල් පන්දු ලෝක කුසලාන තරගාවලිය ජූලි 28, වැනිදා සිට අගෝස්තු 6, වැනිදා දක්වා දකුණු අප්‍රිකාවේ කේප් ටවුන් හිදී පැවැත්වීමට නියමිතය.