සුප්‍රකට විස්ඩන් සගරාව මගින් 2021 – 23 වසර වලට අදාලව ලෝක ටෙස්ට් ශූරතාවලියේ විශේෂ දක්ෂතා දැක්වූ ක්‍රීඩකයින් 11 දෙනෙකු ප්‍රකාශයට පත් කර ඇති අතර එම කණ්ඩයමට ශ්‍රී ලංකා පිල නියෝජනය කළ ක්‍රීඩකයින් දෙදෙනෙකුද ඇතුලත්ව ඇත.
ඒ ශ්‍රී ලංකා ටෙස්ට් නායක දිමුත් කරුණාරත්න සහ දිනේෂ් චන්දිමාල් යන ක්‍රීඩකයිනුයි.
දිමුත් එම තරග වාරයේ තරග 12 කට සහභාගි වී ඇති අතර ඔහු ලබා ගත් ලකුණු සංඛ්‍යාව 1054 කි. ඔහුගේ ලකුණු සාමාන්‍ය 47.90, වන අතර ඔහු වාර්තා කළ වැඩිම ලකුණු ප්‍රමාණය 147 කි.
ඔහු එම තරගවාරයේ ශතක දෙකක් සහ අර්ධ ශතක 8ක් ලබාගෙන ඇත.
එමෙන්ම දිනේෂ් චන්දිමාල් තරග 10කට මුහුණු දී ලකුණු 958 ක් ලබාගෙන ඇත්තේ ලකුණු සාමාන්‍ය 68.42 අගයේ රදාවා තබා ගනිමිනි.
ඔහු වාර්තා කර ඇති වැඩිම ලකුණු සංඛ්‍යාව 206 (නොදැවී) ක් වේ.
ඔහු ශතක දෙකක් සහ අර්ධ ශතක 5 ක් ලබාගෙන ඇත.
මේ වනවිට ලෝක ටෙස්ට් ශූරතාවලියේ තරග සියල්ල අවසන් වී ඉන්දියාව සහ ඕස්ට්‍රේලියාව අතර වන අවසන් මහා තරගය පමණක් ක්‍රීඩා කිරීමට ඉතිරිව තිබියදී ඔවුන් මෙම ක්‍රීඩකයින් 11 දෙනා නම් කර ඇත.
ඊයේ (20) ලෝක ටෙස්ට් ශූරතාවලියේ අවසන් තරගාවලිය නවසීලන්තය සහ ශ්‍රී ලංකාව අතර පැවැති අතර එම තරගය ඊයේ (20) නිමා වුණේ ඊයේ ශ්‍රී ලංකාවට තරග 2 – 0 පරාජයක් අත්කර දෙමිනි.
මේ වන විට ටෙස්ට් ශූරතාවලිය යටතේ පැවැත්වීමට ඉතිරිව ඇත්තේ ඉන්දියාව හා ඔස්ට්‍රේලියාව අතර අවසන් මහා තරගය පමණි.
එම තරගය එංගලන්තයේ ඕවල් ක්‍රීඩාංගනයේ දී ජූනි 7 වැනිදා ආරම්භ වීමට නියමිතවයි.