එළඹෙන ශ්රී ලංකා – අයර්ලන්ත ටෙස්ට් තරගාවලියෙන් අනතුරුව තමා ටෙස්ට් නායකත්වයෙන් ඉවත්වන බව ශ්රී ලංකා නායක දිමුත් කරුණාරත්න පවසයි.
ඔහු මේ බව පැවසුවේ ශ්රී ලංකාව සහ නවසීලන්තය අතර වෙලින්ටන් හිදී අවසන් වූ දෙවැනි ටෙස්ට් තරගයෙන් අනතුරුව මාධ්ය වෙත අදහස් දක්වමිනි.
ඔහු නායකත්වයෙන් ඉවත් වීම පිළිබඳව නිල වශයෙන් ශ්රී ලංකා ක්රිකට් බලධාරීන්ට දැනුම්දී ඇති බවත් එම පාර්ශවයන්ගෙන් තමාට අවසන් පිළිතුරක් ලැබී නොමැති බවද ඔහු පවසා ඇත.
මේ අතර අද (20) අවසන් වුණු ශ්රී ලංකාව සහ නවසීලන්තය අතර තරග දෙකකින් සමන්විත වූ ටෙස්ට් තරගාවලිය 2ට 0ක් ලෙස පරාජයට පත්වීමට ශ්රී ලංකා කණ්ඩායම සිදුවිය.
දිමුත් කරුණාරත්න ටෙස්ට් තරග 84 කට ක්රීඩා කර ඇති අතර ලකුණු 6230 ක් ලබා ගෙන ඇත. එමෙන්ම ඔහු ලබාගෙන ඇති ශතක සංඛ්යාව 14 ක් වන අතර අර්ධ ශතක සංඛ්යාව 34 ක් වේ.
දිමුත්ගේ නායකත්වය යටතේ ශ්රී ලංකාව තරග 26 කට මුහුණ දී ඇති අතර ඉන් තරග 10 ක් ජයගෙන තරග 6ක් ජය පරජයෙන් තොරව අවසන් වී ඇත.
මේ අතර අයර්ලන්ත ටෙස්ට් ක්රිකට් කණ්ඩායම සහ ශ්රී ලංකා කණ්ඩායම අතර ටෙස්ට් තරග ද්විත්වය ගාල්ල ජාත්යන්තර ක්රිකට් ක්රීඩංගනයේදී පැවැත්වීමට නියමිත අතර පළමු ටෙස්ට් තරගය එළැඹෙන 16 වැනිදා පැවැත්වීමට නියමිතය.
දෙවැනි ටෙස්ට් තරගය අප්රේල් 24 වැනිදා පැවැත්වීමට නියමිතය.