ඉන්දියාවේ ප්රමුඛ පෙළේ කෝටිපති ව්යාපාරික සමාගමක් වන අදානි සමූහ ව්යාපාරය සම්බන්ධයෙන් විමර්ශනයක් පවත්වන ලෙස ඉල්ලමින් එරට විපක්ෂ දේශපාලන පක්ෂ සාමාජිකයින් විරෝධතාවක් පවත්වා තිබේ.
ඊයේ (බදාදා 15) කොංග්රසය, DMK, AAP සහ ඇතැම් වාම පක්ෂ ඇතුළු පක්ෂ කිහිපයක් ආදානි සමාගමට එරෙහි මෙම විරෝධතාව සංවිධානය කර ඇත.
විරෝධතාකරුවන් විසින් සකසන ලද ආදානිට එරෙහි ඒකාබද්ද පැමිණිල්ල Enforcement Directorate කාර්යාලයට භාර දීමට ගියද කාර්යාල නිලධාරීන් පොලිසිය යොදවා එම තැත වළක්වා තිබේ.
පසුව ඔවුන් එම කාර්යාලය අසල සිට පාර්ලිමේන්තුව දක්වා විරෝධතා පා ගමනකින් පැමිණි බව එරට මාධ්ය සඳහන් කරයි.
දේශපාලන නායකයන්ගේ එම විරෝධතා පාගමන නවතාලමින් විශාල රැස්වීම්, මහජන එකතුවීම් තහනම් කිරීමේ නියෝග ගෙන තිබුණු අතර දිල්ලි පොලිසිය බාධක සහ ශබ්ද විකාශන යන්ත්ර යොදා එම තහනම් නියෝග ප්රකාශයට පත් කළද විපක්ෂය් දේශපාලඥයින් සිය විරෝධතා පාගමන අඛණ්ඩව ව පාර්මේන්තුව දක්වාම පවත්වා ඇත.
අදානි සමූහ ව්යාපාරය, දූෂණයෙන් හා වංචාවෙන් මුදල් උපයන බවත් භාරතීය ජනතා පක්ෂය සමග සබඳතා පවතින බවටත් විරෝධතාකරුවන් චෝදනා කරයි.
එමෙන්ම පසුගියදා මුදල් වංචා සහ කොටස් වෙළඳපොළ නොමඟ යැවීම සම්බන්ධයෙන් හින්ඩන්බර්ග් පර්යේෂණායතනය විසින් අදානි සමූහ ව්යාපාරයට චෝදනා එල්ල කළේය.