2023 ජාත්‍යන්තර බුකර් ත්‍යාගය ( International Booker Prize ~ 2023 ) සදහා සලකා බලන නවකතාවල දිගු ලැයිස්තුව ( Ling List ) ඊයේ දින ලන්ඩන් නුවර දී බුකර් ත්‍යාග කමිටුව විසින් ප්‍රකාශයට පත්කරන ලදි.
හැදින්වීම ——
2005 දී ආරම්භ කරන ලද මෙම ත්‍යාගය පිරිනමන්නේ”කොමෙන්වෙල්ත්” ( Commonwealth ) සංවිධානයට අයත් රටවල්වල වෙසෙන නවකතාකරුවන් විසින් ඒ ඒ භාෂාවලින් රචිත නවකතා ජාත්‍යන්තර භාෂාව වන ඉංශ්‍රීසි භාෂාවට පරිවර්තනය වී අයර්ලන්තයේ හෝ එංගලන්තයේ දී ප්‍රකාශයට පත් කරන ලද හොදම නවකතා අතුරෙන් හොදම නවකතාව වෙනුවෙනි. ඊට පෙර ක්‍රියාත්මකවන්නා වූ පිළිගත් ක්‍රමවේදයක් ඇත්තේ ය. එනම් එම ප්‍රකාශයට පත්වන නවකතා අතුරෙන් විශිෂ්ටතම නවකතා දොළහ තෝරා “දිගු ලැයිස්තුව” ( Long List ) වශයෙන් ද ඉන් විශිෂ්ටතම නවකතා හයක් තෝරා “කෙටි ලැයිස්තුව” ( Short List ) වශයෙන් ද ඉක්බිතිව ඉන් විශිෂ්ටතම නවකතාව තෝරා වසරේ ජාත්‍යන්තර බුකර් ත්‍යාගය පිරිනමන්නේ ය.
ඒ අනුව මෙවර ඉංග්‍රීසි භාෂාවට පරිවර්තනය වූ නවකතා දොළහක් දිගු ලැයිස්තුවට ඇතුළත් වී ඇත්තේ ය. ඒවා
පිළිවෙළින් මෙසේ ය.
දිගු ලැයිස්තුව ( Long List ) 2023
- Boulde
By Eva Boltasov ( Spain ) - Whele
By Cheon Myeony ( South Korea )
3.The Gospel Accounting to New World
By Movyse Conde ( France )
- Standing Heavy
By Gauz ( ivory cost )
5.Time Shelter
By George Gospodinova ( Bulgaria )
6.Is Mother Dead
By Vigdis Hjorth ( Norwegia )
7.Jimi Hendrix Live in Lviv
By Andrey Kurkov ( Russia )
- The Birthday Party
By Lourent Maurignier ( France )
9.While We Were Dreaming
Clemens Meyer ( Germany )
- Pyre
By Perumal Murugan ( India )
11.A System So Magnificent
it is Blinding
By Amanda Svensson ( Sweden )
12. Ninth Building
Zou Jingzhi ( China )
මෙම දිගු ලැයිස්තුවේ වූ විශේෂතා කෙබඳුද ?
මෙවර ජාත්‍යන්තර බුකර් ත්‍යාගයේ දීගු ලැයිස්තුව විවිධ රටවල්වල ලේඛක ලේඛිකාවන්ගේ නවකතා වලින් විචිත්‍රවත් වී තිබෙන බව පෙනේ. එය ඉතා සුබවාදී ලක්ෂණයකි. එහිලා රුසියානු නවකතාවක් ( Jimi Hendrix Live in Lviv – 2023 ) තේරීම සුවිශේෂී සිද්ධියක් වන්නේ ය . එපමණක්ද නොව මෙහි නවකතා රචනා කළ ලේඛක- ලේඛිකාවන් කීප දෙනෙකුම කවියන් හා නාට්‍ය රචකයන් වීම විශේෂයෙන් සදහන් කරනු වටී. ඔවුන් අතර ස්පාඤ්ඤය ජාතික ලේඛිකා Eva Boltasov ප්‍රකට කිවිදියක් වන අතර ඉන්දිය ලේඛක Perumal Murugan ප්‍රකට කවියකු වන්නේ ය .මෙහි ප්‍රංශ නවකතාකාරණියක වන Movyse Conde ප්‍රකට නාට්‍ය රචිකාවියක වන අතර චීන ලේඛක Zou Jingzhi ප්‍රකට නාට්‍ය රචකයකු ද වන්නේ ය . එසේම පළමුවරට ප්‍රංශ නවකතා දෙකක් දිගු ලැයිස්තුවට ඇතුළත් වී තීබීම විශේෂත්වයකි.
නුදුරු දිනෙක මෙම නවකතාව දොළහ අතුරෙන් හොදම නවකතා හය තෝරා කෙටි ලැයිස්තුව ( Short List ) ද අවසනට ඉන් හොදම නවකතාව තෝරා බුකර් ජාත්‍යන්තර ත්‍යාගය ද පුදනු ඇත.
අපි ඔවුනට මුලු හදවතින්ම සුබ පතමු!
විශේෂ සටහන ——
මෙම ජාතයන්තර බුකර් ත්‍යාගය මෙරට සිංහල භාෂාවෙන් නවකතාකරණයේ යෙදෙන සුවහසක් නවකතාකරුවන් හා නවකතාකාරණියන් පැත්තෙන් බලන කල්හි අතිශයින්ම වැදගත් වන්නේ ය .
ඒ මන්ද ? එනම් ඒ මෙම දිගු ලැයිස්තුවට තේරී පත්ව ඇති නවකතාකරුවන් හා නවකතාකාරණියන් තම මව් භාෂාවෙන් නවකතාකරණයේ නියැලෙන්නෝ වෙති. එනමුත් ඔවුන්ගේ නවකතාව ඒ ඒ රටවල්වල බලධාරීන් විසින් ක්‍රියාත්මක කරන ලද ක්‍රමවත් වැඩපිළිවෙලක් මගින් ඉංශ්‍රීසි භාෂාවට පරිවර්තනය වී අයර්ලන්තයේ හා එංගලන්තයේ දී ප්‍රකාශයට පත්ව ඇත්තේ ය. එමගින් ඔවුනට ජාත්‍යන්තරය වෙත ප්‍රවිශ්ඨ වීමට අවකාශය හිමිව ඇත්තේ ය. එනමුත් මෙරට අවාසනාව වන්නේ රාජ්‍ය මැදිහත්වීමක් තුළින් එවන් වූ සාර වැඩපිළිවෙළක් ක්‍රියාත්මක කරන බවක් තියා ඒ පිළිබඳව සිතන්නටවත් මෙරට නිසි බලධාරීන් අකමැති වීමයි.එවන් වූ වපසරියක් තුළ මෙරට සිංහල භාෂාවෙන් නවකතාකරණයේ නියැලෙන සුවහසක් නවකතාකරුවන්ට හා නවකතාකාරණියන්ට ජාත්‍යන්තර අවකාශය මෙන්ම එහිලා ජාත්‍යන්තර ත්‍යාගය ද සැබවින්ම සදා සිහිනයක් බවට පත්ව ඇත්තේ ය .