දීපව්යාප්තව අද (15) ක්රියාත්මක වන වර්ජනය හේතුවෙන් ක්ෂේත්ර ගණනාවක් අඩපණ වී තිබේ.
කෙසේ වෙතත් ඉන්ධන සැපයුම අඩාල නොවී සිදුකරමින් පවතින බව බලධාරීහු පවසති.
නිවේදනයක් නිකුත් කරමින් ජනාධිපති මාධ්ය අංශය පවසන්නේ සාමාන්ය පරිදි ඉන්ධන තොග බෙදාහැරීම සඳහා මේ වන විට පෙට්රල් සහ ඩීසල් ලීටර් 6,600ක ධාරිතාවකින් යුත් බවුසර් 300කට අධික ප්රමාණයක් සූදානම්කර ඇති බව CPC සහ CPSTLහි සභාපති එම්. යූ. මොහොමඩ් තහවුරු කළ බවයි.
ගුවන් ගමන් පාලකවරුන් අද (15) දින ක්රියාත්මක වැඩවර්ජනයට සහාය දැක්වීමට මීට ටික වේලාවකට පෙර තීරණය කළේය.
ඒ අනුව ඔවුන් අද (15) පස්වරු 02.00 දක්වා කාලය තුළ අකුරට වැඩ කිරීමේ වෘත්තීය ක්රියාමාර්ගයක නියැලීමට තීරණය කර ඇත.
ශ්රී ලංකා ගුවන් ගමන් පාලකවරුන්ගේ සංගමයේ සභාපති තිසර අමරනන්ද සඳහන් කළේ මෙම වෘත්තීය ක්රියාමාර්ගය නිසා ශ්රී ලංකාවෙන් පිටත් වන සහ පැමිණෙන ගුවන් යානාවල ප්රමාද වීම් සිදු විය හැකි බවයි.
කෙසේ නමුත් ශ්රී ලංකා ගුවන් සීමාව හරහා ඉහළින් ගමන් ගන්නා ගුවන් යානා, හදිසි අවශ්යතා සහිත ගුවන් යානා, වෛද්ය ආධාර සහ රෝගීන් රැගෙන යන ගුවන් යානා සහ ගලවා ගැනීමේ මෙහෙයුම් ක්රියාත්මක කරන ගුවන් යානා සදහා මෙම වෘත්තීය ක්රියාමාර්ගය නිසා බාධා ඇති නොවන බව ද ඔහු පැවසීය.
මේ අතර අද (15) දින ක්රියාත්මක වැඩවර්ජනයෙන් දිවයින පුරා රෝහල් කටයුතු අඩාල වී ඇති බව වාර්තා වේ. එසේ ම පාසල් ඇතුළු අධ්යාපන ක්ෂේත්රයේ කටයුතු ද සම්පූර්ණයෙන් අඩාල වී තිබේ.