සංචාරක ශ්රී ලංකා කණ්ඩායම සහ නවසීලන්ත කණ්ඩායම අතර, පළමු ටෙස්ට් තරගය අද (9) ශ්රී ලංකා වේලාවෙන් අලුයම 3.30ට ක්රයිස්චර්ච් නුවරදී ආරම්භ විය.
දෙපිල අතර තරග 2කින් සමන්විත මෙම ටෙස්ට් තරගමාලාව ජයග්රහණය කිරීම ශ්රී ලංකා කණ්ඩායමට ටෙස්ට් ලෝක කුසලාන තරගාවලියේ අවසන් මහා තරගයට තේරී පත්වීමට අතිශය වැදගත් වනු ඇත.
තරගයේ කාසියේ වාසිය දිනූ නවසීලන්ත නායක ටීම් සවුදි, පළමුව පන්දුවට පහරදීම සඳහා ශ්රී ලංකා කණ්ඩායමට ආරාධනා කළේය.
පළමුව පන්දුවට පහරදෙන සංචාරක ශ්රී ලංකා කණ්ඩායම මේ වනවිට කඩුලු 4ක් දැවී ලකුණු 239ක් ලබා සිටියි.
නායක දිමුත් කරුණාරත්න සහ ඕෂද ප්රනාන්දු පළමු කඩුල්ල වෙනුවෙන් ලකුණු 14ක් පමණක් රැස් කළ අතර ඕෂද ප්රනාන්දු නායක සවුදි ගේ පන්දුවක් හමුවේ දැවී ගියේය.
දිමුත් සහ කුසල් මෙන්ඩිස් දෙවැනි කඩුල්ල සඳහා ලකුණු 137ක ශක්තිමත් සම්බන්ධතාවයක ගොඩනැගූ අතර දෙවැනි කඩුල්ල ලෙස කුසල් මෙන්ඩිස් දැවී ගියේය.
දැවී යනවිට කුසල් පන්දු 83කට මුහුණ දෙමින් ලකුණු 87ක් රැස් කරගෙන සිටි අර ඊට හතරේ පහර හතරේ පහර 16ක් ඇතුලත්ව තිබිණි.
නායක කරුණාරත්න ලකුණු 50ක් රැස් කළ අතර දි නේෂ් චන්දිමාල් ලකුණු 39 කට දැවී ගියේය. යි. ඇන්ජලෝ මැතිව්ස් නොදැවී ලකුණු 37 ක් ලබා සිටින අතර චන්දිමාල්ගේ දැවී යාමෙන් පසුව පිටියට පිවිසි දනංජය ද සිල්වා නොදැවී ලකුණු 02 ක් රැස් කරගෙන සිටියි.