T-20 ක්‍රිකට් ලෝක කුසලාන තරගාවලියේ අද (04) පැවති ඔස්ට්‍රෙලියා ඇෆ්ගනිස්තාන තරගයේ දී ඇෆ්ගනිස්තාන කණ්ඩායම ලකුණු 04කින් පරාජයට පත් කිරීමත් සමග ශ්‍රී ලංකා කණ්ඩායමට ලෝක කුසලාන තරගාවලියේ අවසන් පූර්ව වටයට පිවිසිමට තිබූ අවස්ථාව අහිමි වී ගියේය.
හෙට (05) දිනයේ දී එංගලන්ත කණ්ඩායම සමග ශ්‍රී ලංකා කණ්ඩායමට තවත් එක් තරගයක් ක්‍රීඩා කරයි.
මේ අතර මේ වනවිට ප්‍රසාද ලකුණු සටහනේ මුල් පෙළ ස්ථාන 04 තුල ශ්‍රී ලංකා කණ්ඩායම සිටින බැවින් බැවින් බටහිර ඉන්දීය කොදෙව් දූපත්හි 2024 මීළඟ පන්දුවාර 20-20 ලෝක කුසලාන ක්‍රිකට් තරගාවලිය සඳහා ද සුදුසුකම් ලැබීමේ සෘජු අවස්ථාව ශ්‍රී ලංකා කණ්ඩායම දිනාගෙන තිබේ.
මේ අතර ඔස්ට්‍රෙලියානු කණ්ඩායමට ද හෙට දිනයේ තීරණාත්මක ය. එනම් ශ්‍රී ලංකා කණ්ඩායම හෙට දිනයේ දී එංගලන්ත කණ්ඩායම පරාජයට පත් කිරීම අතිශය වැදගත් වෙයි.
මේ අනුව ඔස්ට්‍රෙලියානු කණ්ඩායමට අවසන් පූර්ව වටයට පිවිසීමේ බලාපොරොත්තුව රැඳී ඇත්තේ ශ්‍රී ලංකා කණ්ඩායමේ ජයග්‍රහණය සමඟය.
හෙට තරඟයෙන් ශ්‍රී ලංකාව පරාජය උවහොත් ප්‍රසාද ලකුණු සටහනේ සිය ස්ථානය එංගලන්තය වෙනුවෙන් ලබාදීමට සත්කාරක ඔස්ට්‍රෙලියානු කණ්ඩායමට සිදු වන්නේ මෙවර ලෝක කුසලාන සිහිනය අතහැර දමමිනි.