රාජ්ය සහ අර්ධ රාජ්ය ඇතුළු ක්ෂේත්ර රැසක වෘත්තීය සමිතිවල එකමුතුවෙන් මාර්තු 08දා අඛණ්ඩ වර්ජනයක් ආරම්භ කිරීමට වෘත්තීය සමිති තීරණය කර තිබේ.
එහි ඒකාබද්ධ කැඳවුම්කරු අජිත් තිලකරත්න මේ බව තහවුරු කළේය.
පසුගිය 01දා වෘත්තිකයන්ගේ වෘත්තීය සමිති එකතුව ආණ්ඩුවේ නව බදු ප්රතිපත්තියට විරෝධය පළකරමින් විවිධ වෘත්තීය ක්රියාමාර්ගවල නිරත විය. ඒ අතර විරෝධතා, අකුරට වැඩකිරීම, සෙමින් වැඩකිරීම, කළු පටි බැඳීම ඇතුළු සංකේතාත්මක විරෝධතා සහ බැනර් – පෝස්ටර් ප්රමුඛ ප්රචාරක කටයුතු සිදු කෙරිණි.
මෙම ඉල්ලීම්වලට ප්රතිචාර දැක්වීමට සතියක කාලයක් ආණ්ඩුවට ලබාදෙන බව එහිදී විරෝධතාකරුවෝ සඳහන් කළහ.
අද (03) ද රාජ්ය සහ අර්ධ රාජ්ය වෘත්තීය සමිති එකමුතුව දහවල් කෑම පැයේදී සේවා ස්ථාන ඉදිරිපිට විරෝධතා දැක්වූහ.