ක්රීඩා අමාත්යවරයා විසින් ක්රිකට් ඇතුළු අනිකුත් ක්රීඩා සම්බන්ධයෙන් නිකුත් කර ඇති රෙගුලාසි අඩංගු ගැසට් නිවේදනය ක්රියාත්මක කිරීම වළක්වාලමින් අභියාචනාධිකරණය ඊයේ (27) අතුරු තහනම් නියෝගයක් නිකුත් කර තිබේ.
ශ්රී ලංකා ක්රිකට් ආයතනය ඇතුළු පිරිසක් ගොනුකර ඇති රිට් පෙත්සම සළකා බැලූ අවස්ථාවේදී මෙම අතුරු තහනම් නියෝගය නිකුත් කර ඇති අතර අදාල අනතුරු තහනම පෙත්සම විභාගයට ගෙන අවසන් වනතුරු බලපැවැත්වෙන පරිදි නිකුත් කර ඇත.
දෙසැම්බර් 14 වන දින ක්රීඩා අමාත්යවරයා නිකුත් කළ ගැසට් නිවේදනය ක්රීඩා නීතියට පටහැනි බව සඳහන් කරමින් එම ගැසට් නිවේදනය අවලංගු කරන රිට් ආඥාවක් නිකුත් කරන ලෙස ඉල්ලා මෙම පෙත්සම ගොනුකර ඇත.
නිශ්ශංක බන්දුල කරුණාරත්න සහ ඒ.එස්.ආර්. මරික්කාර් යන සමන්විත අභියාචනාධිකරණ විනිසුරු මඩුල්ලක් හමුවේ අදාල පෙත්සම සලකා බලා ඇත.
පෙත්සම ලබන ජූනි 22 වැනිදා යළි විමසා බැලීමට නියමිතව ඇති අතර පෙත්සම්කරු වෙනුවෙන් ජනාධිපති නීතිඥවරුන් වන චන්දන අබේසුන්දර සහ රොමේෂ් ද සිල්වා පෙනී සිටියහ.