කොළඹ ටොරින්ටන්හි ගෘහස්ථ ක්රීඩාංගනයේ පසුගියදා පැවති 74 වැනි ජාතික මල්ලවපොර පිරිමි ශූරතාවය අඛණ්ඩව 20 වන වරටත් දිනා ගැනීමට නාවික හමුදා කණ්ඩායම සමත්විය.
එහිදී ඔවුන් රන් පදක්කම් 05 ක්, රිදී පදක්කම් 2 ක් සහ ලෝකඩ පදක්කම් 3 ක් දිනාගැනීමට සමත්විය.
එමෙන්ම රන් පදක්කම් 03, රිදී පදක්කම් 03 සහ ලෝකඩ පදක්කම් 4ක් දිනාගත් ශ්රී ලංකා ගුවන් හමුදා පිරිමි කණ්ඩායම අනුශූරයන් බවට පත්විය.
එහිදී ගුවන් හමුදා කාන්තා මල්ලවපොර ක්රීඩිකාවන් රන් පදක්කම් 5ක්, රිදී පදක්කම් 5ක් සහ ලෝකඩ පදක්කම් 3ක් දිනා ගනිමින් අඛන්ඩව 6 වැනි වරටත් ශූරියන් බවට පත්විය.
මෙවර ජාතික මල්ලවපොර ශූරතාවලිය සඳහා ත්රිවිධ හමුදාව පොලිසිය ඇතුළුව දිවයිනේ ප්රකට මල්ලවපොර ක්රීඩා සමාජ 20 කට අධික සංඛ්යාවක් නියෝජනය කරමින් ක්රීඩක ක්රීඩිකාවන් 300 ක පමණ පිරිසක් විවිධ බර පංතීන් යටතේ තරග කළේය.
ඡායාරූප ශ්රී ලංකා ගුවන් හමුදාව
