හිටපු ජනාධිපති ගෝඨාභය රාජපක්ෂ විසින් කැබිනට් මණ්ඩලය අක්රීය තත්ත්වයට පත්කිරීම නිසා එවකට මුදල් ඇමති බැසිල් රාජපක්ෂ චීනය සමග සිදුකිරීමට ගිය දැවැන්ත ගනුදෙනුවක් වැළකී ගිය බව Sunday Times පුවත්පත සිය දේශපාලන විග්රහය මගින් අනාවරණය කරයි.
මෙම ගනුදෙනුව සාර්ථක වීමට ආසන්න තත්ත්වයේ තිබියදී ගෝඨාභය රාජපක්ෂ විසින් බැසිල් රාජපක්ෂට මුදල් ඇමති ධුරයෙන් ඉවත්වීමට දැනුම් දුන් බව ද එහි සඳහන් ය. එහෙත් බැසිල් රාජපක්ෂ එය ප්රතික්ෂේප කර තිබේ. එම නිසා ගෝඨාභය රාජපක්ෂ එවකට අගමැති මහින්ද රාජපක්ෂ සමග සාකච්ඡා කොට ඔහු ඉවත් වීමට එකඟ කරගෙන ඇත.
අගමැතිවරයා ඉවත්වීමෙන් පසු කැබිනට් මණ්ඩලය ස්වයංක්රීයව විසිරී යන නිසා බැසිල් රාජපක්ෂට මුදල් ඇමති ධුරය ද අහිමි වූ බව එහි වැඩිදුරටත් සඳහන් ය.
දේශපාලන විශ්ලේෂකයන් විසින් පසුගිය වසරේ මුල් කාර්තුවේදී අවධාරණය කළේ ලංකාව බරපතළ ලෙස භූදේශපාලනික අරගලයකට හිරවීමට නියමිත බවයි. ගෝඨාභය රාජපක්ෂ ජනාධිපතිවරයා ඇමෙරිකාව සමග සමීප සම්බන්ධතාවක් පැවැත්වීමත්, අගමැතිවරයා ප්රමුඛ ආණ්ඩුවේ බහුතරය චීනය සමග සමීප සම්බන්ධතාවක් පැවැත්වීමත් ඊට හේතු වනු ඇතැයි ද සඳහන් කෙරිණි.