ජාත්යන්තර හමුදා ක්රීඩා කවුන්සලය (CISM) මගින් සිව්වන වරට සංවිධානය කරනු ලබන වෙරළ වොලිබෝල් තරගාවලියේ අවසන් මහ තරග අද (17 වැනිදා) මීගමු වෙරළ තිරයේදී පැවැත්වුණු අතර එහි පිරිමි සහ කාන්තා අංශයේ ශූරතාව ප්රංශ කණ්ඩායම් හිමි කර ගත්තේය.
එහිදී පිරිමි අවසන් තරගයේ පළමු වටය 19 – 21 ලෙස ප්රංශය ජයගත් අතර දෙවැනි වටය 17 -21 ලෙස ජර්මනිය ජය ගත්තේය. තෙවැනි වටය 15 – 10 ක් ලෙස ජර්මනිය පරාජයට පත් කරමින් ප්රංශය ශූරතාවය දිනා ගත්තේය.
ශ්රී ලංකාව පරාජයට පත් කරමින් කාන්තා අංශයේ ජයද ප්රංශය හිමි කර ගැනීමට සමත්විය.
පෙරේදා (16) පැවැති අවසන් පුර්ව පිරිමි තරග සඳහා ජර්මනි පළමු සහ දෙවැනි කණ්ඩායම්ද, ප්රංශයේ දෙවැනි කණ්ඩායම සහ ඕමානයේ දෙවැනි කණ්ඩායම සහභාගි වූ අතර කාන්තා තරග සඳහා ප්රංශයේ පළමු කණ්ඩායමත්, ශ්රී ලංකා පළමු, දෙවැනි සහ තෙවැනි කණ්ඩායම් සහභාගි විය.
ඉතා තියුණු තරගයකින් අනතුරුව පිරිමි අංශයෙන් ජර්මනි පළමු කණ්ඩායම සහ ප්රංශයේ දෙවැනි කණ්ඩායම පිරිමි අවසන් තරගයට සුදුසුකම් ලැබු අතර ශ්රී ලංකා දෙවැනි කණ්ඩායම සහ ප්රංශයේ පළමු කාණ්ඩායම කාන්තා අවසන් තරගයට සුදුසුකම් ලැබීය.
මෙවර තරගාවලිය සඳහා ප්රංශය, ජර්මනිය, නෙදර්ලන්තය, ඕමානය, සෞදි අරාබියාව, වෙනිසියුලාව, කොලොම්බියාව, සහ ශ්රී ලංකාව යන රටවල් 08ක් සභාභාගී වූ අතර ඊට පිරිමි ක්රීඩා කණ්ඩායම් 16 ක් සහ කාන්තා කණ්ඩායම් 09ක් ඉදිරිපත් විය.
සබැඳි පුවත්
ඡායාරුප – රවීන්ද්ර පුෂ්පකුමාර