ශ්රී ලංකා ගුවන් හමුදාවේ ක්රීඩක ක්රීඩිකාවන් දිරි ගැන්වීමේ අරමුණින් ශ්රි ලංකා ගුවන් හමුදා ක්රීඩා කවුන්සිලය විසින් සංවිධානය කරනු ලැබු ගුවන් හමුදා ක්රිඩක ක්රිඩිකාවන් ඇගයීමේ උත්සවයක් ගුවන් හමුදාධිපති එයාර් මාර්ෂල් සුදර්ශන පතිරණගේ ප්රධානත්වයෙන් ගුවන් හමුදා මූලස්ථානයේදී පැවැත්විණි.
මෙහිදි ශ්රි ලංකා ජාතික ක්රිකට් කණ්ඩායම නියොජනය කරමින් 2022 ආසියානු කුසලානයේ අනු ශුරතාවය දිනාගත් කණ්ඩායම් සමාජිකාවන් වු ශ්රි ලංකා ගුවන් හමුදාවේ කෝප්රල් ෂෙහානි රණසිංහ සැරයන් නිළයටත් නායක ගුවන් කාන්තා මල්ෂා ශෙහානි කෝප්රල් නිළයටත් ගුවන් හමුදාධිපති තුමන් විසින් උසස් කිරිම සිදුකරන ලදි.
මෙම ඇගයීමේ උත්සවයේ දි ශ්රි ලංකා ගුවන් හමුදාව නියෝජනය කරමින් ජාතික හා ජාත්යන්තර තරග සඳහා සහභාගි වෙමින් ජයග්රහනය කරනු ලැබු හා සහභාගි වු පහත නමි සදහන් ක්රිඩක ක්රිඩිකාවන් හා ක්රිඩා සංචිතයන් හි පුහුණුකරුවන් ගුවන් හමුදාධිපති තුමන්ගේ විශේෂ ඇගයිමට ලක් වු අතර ඔවුන් සදහා සමරු තිළින හා මුදල් ත්යාග පිරිනැමිම ද ගුවන් හමුදාධිපති තුමන් විසින් මෙහිදි සිදු කරන ලදි.
1 47 වන ජාතික ක්රිඩා උළෙලේ මැරතන් තරගයේ රන් පදක්කම්ලාභී නායක ගුවන් භට තලාවර්ගයේ රත්නපාල
2 ශ්රී ලංකා රග්බි 7 තරගාවලියේ හොඳම ක්රීඩකයා – නායක ගුවන් භට දර්ශන දාබරේ
3 ජපන් ශ්රී ලංකා මිත්රත්ව බේස්බෝල් තරගාවලියේ දක්ෂතම ක්රිඩකයා – නායක ගුවන් භට සඳරුවන්
4 2022 ආසියානු ශූරතාවය දිනූ පැසිපන්දු කණ්ඩාමේ සාමාජිකා – ෆ්ලයින් ඔෆිසර් නිර්මා සසන්ති
5 08 වැනි ලෝක ශූරතා කැරම් තරගාවලියේ අනුශූරතාවය දිනාගත් කණ්ඩායම් සාමාජික කෝප්රල් උදේශ් පෙරේරා
මෙම අවස්ථාව සදහා ගුවන් හමුදා මාණ්ඩලික ප්රධානී තුමන් ඇතුළු ගුවන් හමුදා අධ්යක්ෂක මණ්ඩලයේ නිළධාරීන්, ගුවන් හමුදා ක්රීඩා සංචිත සභාපතිවරුන්, ගුවන් හමුදා ක්රීඩා සංචිත ලේකම්වරුන්, ක්රීඩා සංචිත කළමණාකරුවන් සහ ක්රීඩක ක්රීඩිකාවන් ඇතුළු පිරිසක් සහභාගී විය.
